హోమ్

న్యూస్

హైదరాబాద్ : గోవా షూటింగ్ లో ఉన్న కాజల్ రోజుకో ఫొటో అన్నట్లు దిగి షేర్ చేసేస్తోంది. తాజాగా తన దర్శకుడు పూరి జగన్నాథ్ తో కలిసి ఇదిగో ఇలా ఓ ఫొటో దిగింది. పూరి దీన్ని స్వయంగా సెల్పీ గా క్లిక్ చేసారు. బ్రేక్ టైమ్ లో ఈ ఫొటో దిగామని చెప్తున్నారు. ఈ ఫొటోని బట్టి ఆమె ఈ చిత్రంలో చాలా హాట్ ఉండబోతోందని తెలుస్తోంది.

చిత్రం విషయానికి వస్తే...

ఈ చిత్రం ఎన్టీఆర్ చెడుగుడు ఆడేస్తాడని చెప్తున్నారు. అతని పాత్ర గురించి చెప్తూ...అతని స్పీడు చూసి రాకెట్‌ కూడా ఆశ్చర్యపోతుంది. ఆ జోరుకి కెరటం సలామ్‌ కొడుతుంది. దూకుడు కాస్త నెమ్మదించి.. అతనికి దారిస్తుంది. పంజా విసిరితే పులే..! అతని లక్ష్య సాధనకు అడ్డొస్తే..చెడుగుడు ఆడేస్తాడు. అంత పంచ్‌ పవర్‌ ఉన్న పోలీస్‌ను చూడాలంటే ఎన్టీఆర్‌ సినిమా వచ్చే వరకూ ఆగాలి.

ఎన్టీఆర్‌ - పూరి జగన్నాథ్‌ కలయికలో ఓ చిత్రం తెరకెక్కుతోంది. పరమేశ్వర ఆర్ట్స్‌ పతాకంపై బండ్ల గణేష్‌ నిర్మిస్తున్నారు. కాజల్‌ కథానాయిక. మధురిమ ఓ కీలక పాత్రలో కనిపించనుంది. గోవాలో చిత్రీకరణ సాగుతోంది. పాటలు, కీలక సన్నివేశాలు, పోరాట దృశ్యాలూ.. అక్కడ తెరకెక్కిస్తున్నారు. సంక్రాంతికి విడుదల చేయాలన్న లక్ష్యంతో చిత్రబృందం శ్రమిస్తోంది.

ఈ సినిమాలో ఎన్టీఆర్‌ పోలీస్‌ అధికారిగా కనిపించబోతున్నారు. 'టెంపర్‌', 'షంషేర్‌' అనే పేర్లు పరిశీలనలో ఉన్నాయి. అయితే తాజాగా టెంపర్ టైటిల్ ని ఫైనలైజ్ చేసారని తెలుస్తోంది. ఈ రోజే టైటిల్‌ను అధికారికంగా ప్రకటిస్తారు. ఈ చిత్రానికి అనూప్‌ రూబెన్స్‌ సంగీతం అందిస్తున్నారు.