Don't Miss!
- News త్వరలో గురు-శుక్ర సంయోగం.. ఈ రాశులవారికి పట్టిందల్లా బంగారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రివ్యూలకు భయపడి కథ మార్చేసిన దిల్ రాజు, హరీశ్.. అయినా ఫెయిల్యూరే..
దువ్వాడ జగన్నాథం చిత్రం దిల్ రాజు కెరీర్లో 25వది. ఈ సందర్భంగా నిర్మాతగా సుదీర్ఘమైన కెరీర్తో దూసుకెళ్తున్న దిల్ రాజు ఇటీవల ఓ యూట్యూబ్ ఛానెల్తో మాట్లాడారు.
టాలీవుడ్లో దమ్ము, ధైర్యం ఉన్న నిర్మాతల్లో దిల్ రాజు ఒకరు. సినిమాలో విషయంలో ఆయనకు జడ్జిమెంట్ పక్కాగా ఉంటుంది. అందుకే ఆయనకు 80 శాతం విజయాలు దక్కాయి. ఆయన నిర్మించిన దువ్వాడ జగన్నాథం చిత్రం ఆయన కెరీర్లో 25వది. ఈ సందర్భంగా నిర్మాతగా సుదీర్ఘమైన కెరీర్తో దూసుకెళ్తున్న దిల్ రాజు ఇటీవల ఓ యూట్యూబ్ ఛానెల్తో మాట్లాడారు. ఆయన జీవితంలో చోటుచేసుకొన్న అంశాలు, ఎదురైన సమస్యలను మీడియాతో పంచుకొన్నారు. రెబల్ చిత్రం కారణంగా ఓ చిత్రానికి సంబంధించిన కథ మార్చేశామని ఆయన వెల్లడించారు. అదేమిటంటే..
ఫెయిల్యూర్కు బాధ్యత నాదే
నేను నిర్మించిన 25 చిత్రాల్లో దాదాపు ఆరు చిత్రాలు ఆశించిన ఫలితాలను ఇవ్వలేదు. కానీ వాటివల్ల నష్టపోలేదు. విజయాలతోపాటు ఫ్లాపులకు కూడా నేను బాధ్యత వహిస్తాను. కథ విని నేను ఒప్పుకోవడం వల్లే ఏ సినిమా అయినా ముందుకెళ్తుంది. అది సక్సెస్ అయినా ఫెయిల్ అయినా అందులో నా బాధ్యత కూడా ఉంటుంది. సక్సెస్లో కంటే ఫెయిల్యూర్లోనే నా పాత్ర ఎక్కువ ఉంటుంది.
సరైన నిర్ణయం తీసుకోకపోవడం వల్లే
నేను నిర్మించిన చిత్రాల్లో ఫెయిల్ అయిన వాటిలో సక్సెస్ సాధించడానికి అవకాశాలు ఉండేవి. కొన్ని అవకాశాలను సరిగా వినియోగించుకోక పోవడం వల్లే అవి ఫెయిల్ అయ్యాయి. నిర్ణయం తీసుకొనే కొందరు వ్యక్తుల సరిగా స్పందించకపోవడంతో అది జరిగి ఉంటుందని అనుకొంటున్నాను.
అవి సక్సెస్ అయ్యే ఛాన్స్
ఆశించిన ఫలితాలు రాబట్టలేని ఆరు చిత్రాల్లో మూడు సినిమాలు డెఫినెట్గా సక్సెస్ సాధించడానికి అవకాశాలు ఉండేవి. వాటిలో రామరామ కృష్ణ, మున్నా, రామయ్య వస్తావయ్యా ఉన్నాయి. వాటిపై కాస్త దృష్టిపెట్టి ఉంటే సక్సెస్ అయ్యేవనే ఫీలింగ్ ఇప్పటికి ఉంది.
రెబల్ దెబ్బ తీసింది..
రామయ్య వస్తావయ్య చిత్రం విషయానికి వస్తే టైమ్ సరిగా లేకపోవడమే. రెబల్ సినిమా రిలీజ్ కాకముందు రామయ్య వస్తావయ్య కథ వేరు. ముందు ఒక కథ అనుకొని ఎన్టీఆర్, హరీశ్ శంకర్, నేను సినిమా తీయాలనుకొన్నాం. రెబల్ వచ్చిన తండ్రి మీద కొడుకు రివేంజ్ తీసుకోవడం బాగుండదు అనుకొని కథ మార్చేశాం. హరీశ్ మళ్లీ కథ మీద వర్క్ చేసి కొత్త కథ చెబితే సరే అనుకొని ముందుకెళ్లాం.
రివ్యూలకు భయపడి కథ మార్చేశాం..
ముందు అనుకొన్న కథ ప్రకారం సినిమా తీస్తే.. ఆ సినిమా రిలీజ్ తర్వాత రెబల్ లాగా ఉందని రివ్యూలు వస్తాయని వెనుకడుగు వేశాం. కథ మార్చడం వల్ల పెద్ద తప్పు చేశాం. రివ్యూలను పక్కన పెడితే ఆ సినిమా ప్రేక్షకుల ముందుకు వెళ్తేది. రామయ్య వస్తావయ్యా సినిమా ఫ్లాఫ్ అందరికి చెందుతుంది.
రాముడు, కృష్ణుడు పేర్లు..
రాముడు, కృష్ణుడు పేర్లతో వచ్చిన సినిమాలు నాకు చేదు అనుభవాన్ని మిగిల్చాయి. రామ రామ కృష్ణ కృష్ణ, రామయ్య వస్తావయ్యా, కృష్ణాష్టమి సినిమాలు విజయం సాధించలేదు. సహజంగా మేము వెంకటేశ్వరస్వామి భక్తులం. మా బ్యానర్ కూడా శ్రీ వెంకటేశ్వర క్రియేషన్స్. నేను ఉన్నాకా రాముడు, కృష్ణుడు పేర్లు ఎందుకు పెట్టుకొన్నావని వెంకటేశ్వరస్వామి కోపగించుకొన్నాడేమో అని దిల్ రాజు చమత్కరించారు.