హోమ్

న్యూస్

హైదరాబాద్: జబర్దస్త్ ఫేం షేకింగ్ శేషుకు సినిమా షూటింగ్‌లో గాయాలైనట్లు తెలుస్తోంది. దిల్‌రాజు నిర్మిస్తున్న సుప్రీం చిత్రం షూటింగ్ రాజస్థాన్‌లో జరుగుతోంది. ఛేజింగ్ సీన్ షూట్ చేస్తుండగా జిప్సీ వాహనం బోల్తా పడి శేషుకు గాయాలైనట్లు సమాచారం.

ప్రస్తుతం శేషు హైదరాబాదులోని అమీర్‌పేటలోని ప్రైమ్ ఆసుపత్రిలో చికిత్స పొందుతున్నట్లు తెలిసింది. ప్రమాదంలో శేషు ఎడమచేతికి గాయమైంది. జబర్దస్త్ టీవీ కార్యక్రమం ద్వారా అతను షేకింగ్ శేషుగా పాపులర్ అయ్యాడు.

ఆ సినిమాలో సాయి ధరమ్ తేజ్, రాశి కన్నా హీరోహీరోయిన్లుగా నటిస్తున్నారు. ఈ సినిమాలో షేకింగ్ శేషు హాస్యపాత్ర పోషిస్తున్నాడు. షూటింగ్‌లో కొంత భాగం పూర్తి చేశాడు కూడా.