అతి భయంకరంగా ఎన్టీఆర్ గెటప్..జై లవకుశ ఫొటో లీక్!

ప్రత్యేకంగా హలీవుడ్ నుంచి మేకప్ మెన్

ఎన్టీఆర్ కెరీర్‌లోనే అత్యంత భారీ బడ్జెట్‌తో నిర్మిస్తున్న చిత్రమిది. జై లవకుశ అని ప్రచారవవుతున్న ఈ చిత్రంలో ఎన్టీఆర్ త్రిపాత్రాభినయం చేస్తున్నారు. ఈ చిత్రానికి తారక్ సోదరుడు కల్యాణ్ రామ్ నిర్మాత. ఈ చిత్రానికి ఇద్దరు హాలీవుడ్ నిపుణులు పనిచేస్తున్నారు. విలన్ ఛాయలున్న ఓ పాత్ర కోసం ప్రత్యేకంగా హలీవుడ్ నుంచి మేకప్ మెన్ రప్పించిన సంగతి తెలిసిందే.

లీకైన పోటో నిజమైనదా?

ప్రతినాయకుడి పాత్రకు సంబంధించినట్లు భావిస్తున్న ఫోటోలో ఎన్టీఆర్ గెటప్ అతి క్రూరంగా ఉన్నది. లీకైన పోటో నిజమైనదా లేదా ఎన్టీఆర్ ఫోటోను మార్పింగ్ చేసి ఎవరైనా ఇంటర్నెట్ ‌లో పెట్టారా అనే అభిప్రాయం వ్యక్తమవుతున్నది. అధికారికంగా ఈ ఫొటోపై చిత్ర యూనిట్ ఏమైన వివరణ ఇస్తే తప్ప దీనిపై నెలకొన్న అనుమానాలు తొలగిపోయే అవకాశం లేదు.

షూటింగ్‌లో హరికృష్ణ

దర్శకుడు బాబీ డైరెక్షన్‌లో రూపొందుతున్న ఈ చిత్రానికి సంబంధించిన ఇటీవల మరె ఫోటో బయటకు వచ్చింది. ఈ చిత్ర షూటింగ్‌లో తండ్రి హరికృష్ణతో ఎన్టీఆర్ మాట్లాడుతుండగా తీసిన ఫొటో అది. ఎన్టీఆర్ ముందు ఉన్న ఎన్ లవకుమార్ అనే నేమ్ ప్లేట్ స్పష్టంగా కనిపిస్తున్నది.

ట్రిపుల్ రోల్..

ఈ చిత్రంలో ఆచారీ, పోలీసు అధికారి, ఓ విలన్ పాత్రను ఎన్టీఆర్ పోషిస్తున్నట్టు వార్తలు వెలువడుతున్నాయి. ఆ వార్తలను బట్టి పోలీస్ అధికారి పాత్ర పేరు ఎన్ లవ కుమార్ అనే విషయం స్పష్టమవుతున్నది. విలన్ ఛాయలున్న పాత్ర కోసం ప్రత్యేకంగా హాలీవుడ్ నుంచి మేకప్ మెన్‌ను రప్పించారు.

అద్భుతమైన కథ.. 100 కోట్ల బడ్జెట్

ఈ చిత్ర విశేషాలు కల్యాణ్ రామ్ తెలియచేస్తూ .. బాబీ అద్భుతమైన కథను రూపొందించారు. ఎన్టీఆర్‌లో ఉన్న నటుడికి, కథకు న్యాయం చేకూర్చడానికి ఖర్చుకు వెనుకాడటం లేదు అని అన్నారు. రూ.100 కోట్లకు పైగా బడ్జెట్‌తో ఈ చిత్రాన్నిరూపొందిస్తున్నట్టు సమాచారం.