ఎన్టీఆర్ ఇరుగదీశాడు.. నాదొక్కడిదే కాదు.. అందరు హీరోలది!

హీరోలందరికి అభినందనలు

సాధారణంగా అవార్డు తీసుకోగానే ఆ చిత్ర దర్శకుడిని, లేదా నిర్మాతను, లేదా యూనిట్ సభ్యులను పొగుడుతారు. కానీ ఎన్టీఆర్ అందుకు భిన్నంగా ఉత్తమ నటుడి అవార్డు విభాగంలో తనకు పోటీగా నిలిచిన హీరోలందరికి అభినందనలు తెలిపి అందరి మన్ననలు పొందాడు.

అద్భుత నటన అంటూ

ఎన్టీయార్‌ వేదిక ఎక్కిన వెంటనే ఈ అవార్డుకు తనతో పాటు నామినేషన్‌ సాధించిన హీరోలందరి పేర్లూ చదివి వినిపించాడు. ఈ నామినేషన్‌ పొందిన హీరోలందరూ తమ తమ సినిమాల్లో అద్భుత నటన ప్రదర్శించారంటూ ప్రశంసించాడు. నేను అందుకొన్న ఈ అవార్డు నా ఒక్కడికే కాదు. అందరు హీరోలందరికీ చెందుతుంది అని వ్యాఖ్యానించాడు.

ఉత్తమ నటుడిగా..

జనతా గ్యారేజ్ సినిమాలో నటనకుగానూ ఎన్టీఆర్ ఉత్తమ నటుడుగా అవార్డు అందుకొన్నారు. ప‌లు విభాగాల్లో కూడా ఈ సినిమా అవార్డుల‌ను కైవ‌సం చేసుకుంది.

గతేడాది..

గతేడాది ఎన్టీయార్‌ నటించిన టెంపర్‌ చిత్రానికి కాకుండా, మహేష్‌‌బాబు సినిమా శ్రీమంతుడుకు ఈ అవార్డు రావడం జూనియర్ అభిమానులను ఆశ్చర్యానికి గురిచేసిన సంగతి తెలిసిందే. ఈ ఏడాది కోసం బుధవారం హైదరాబాద్‌లోని హైటెక్స్‌లో జరిగిన ఐఫా అవార్డుల వేడుకలో ‘జనతా గ్యారేజ్‌' సినిమాకుగానూ ఎన్టీఆర్ ఉత్తమ నటుడిగా అవార్డునందుకున్నాడు.