Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కాజల్ హాఫ్ సెంచరీ.. నాటౌట్.. డబుల్ ధమాకా..
కాజల్ హాఫ్ సెంచరీ కొట్టబోతోంది. ప్రస్తుతం రానాతో కలిసి నటిస్తున్న ‘నేనే రాజు నేనే మంత్రి’ కాజల్కి యాభయ్యో చిత్రం.
క్రికెట్లో పాకిస్థాన్ చేతిలో భారత్ ఓడిపోయిన తర్వాత ఈ సెంచరీల గొడవ ఏమిటని చిరాకు పడుతున్నారా? కాజల్కు క్రికెట్కు సంబంధమేమిటని ఆలోచిస్తున్నారా? అలాంటిదేమీ లేదండి.. జూన్ 19న పుట్టిన రోజు జరుపుకొంటున్న కాజల్ సినీ పరిశ్రమలోకి ప్రవేశించి పదేళ్లు దాటింది. ఈ పదేళ్ల కాలంలో కాజల్ 50 చిత్రాల్లో నటించింది. రానా సరసన నటిస్తున్న నేనే రాజు నేనే మంత్రి చిత్రం కాజల్కు 50వ సినిమా. ఈ సందర్భంగా కాజల్ తన సినీ ప్రయాణాన్ని ఓ సారి గుర్తు చేసుకొన్నది.
పదేళ్ల క్రితం తేజతో సినీ కెరీర్ ప్రారంభం
టాలీవుడ్ చిత్ర పరిశ్రమకు కాజల్ను పరిచయం చేసింది దర్శకుడు తేజ. లక్ష్మీ కల్యాణం చిత్రంలో కల్యాణ్ రామ్ సరసన నటించింది. తొలి చిత్రంతోనే నటనపరంగా ఆకట్టుకొన్నది. తెలుగు అమ్మాయిలా ప్రేక్షకుల గుండెలో ముద్ర వేసుకొన్నది. అప్పటి నుంచి కాజల్ సినీ ప్రయాణంలో ఎదురేలేకుండా పోయింది. మళ్లీ పదేళ్ల తర్వాత నేనే రాజు నేనే మంత్రి సినిమా కోసం కాజల్ జతకట్టింది.
50 సినిమాలు పూర్త చేసిన కాజల్
పదేళ్ల ప్రయాణం ఎంతో అందంగా, ఆనందంగా సాగింది. యాభై సినిమాల మైలురాయిని చేరుకోవడం ఓ గొప్ప అనుభూతి. ఈ పుట్టినరోజుకి ఇంతకంటే గొప్ప బహుమతి ఉండదేమో అని తన సంతోషాన్ని వ్యక్తం చేసింది. తాజాగా చిరంజీవితో నటించి ఖైదీ నంబర్ 150 చిత్రం బ్లాక్ బస్టర్గా నిలిచిన సంగతి తెలిసిందే.
విభిన్నమైన పాత్రలో
గతంలో ఎన్నడూ చేయనటువంటి ఓ విభిన్నమైన పాత్రని నేనే రాజు నేనే మంత్రిలో చేశా. ఇందులో నా పాత్ర పేరు రాధ. రానాతో సెట్లో సరదాగా పనిచేశా. ప్రతి సన్నివేశం గురించి మేమిద్దరం మాట్లాడుకొని నటించేవాళ్లం. నేనే రాజు నేనే మంత్రి లాంటి విభిన్నమైన చిత్రంలో నటించడం ఎప్పుడూ సంతోషమే అని కాజల్ వెల్లడించింది.
ఆ నమ్మకం ఉంది..
నాకోసం మరిన్ని కొత్త పాత్రలు పుడుతూనే ఉంటాయనే నమ్మకం ఇప్పటికీ ఉంటుంది. ఆ నమ్మకమే నటిగా నన్ను ముందడుగు వేసేలా చేస్తున్నది. ఉత్సాహంతో ముందుకెళ్లేలా చేస్తున్నది'' అని కాజల్ చెప్పింది . ఆమె ప్రస్తుతం తన తొలి చిత్ర కథానాయకుడు కల్యాణ్రామ్తో ఎమ్మెల్యే అనే చిత్రంలో నటిస్తున్నది.