Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
డబ్బుల గొడవతో... ‘ఉత్తమ విలన్’ విడుదల ఆగింది
హైదరాబాద్: కమల్ హాసన్ అభిమానులంతా ఆసక్తిగా ఎదురు చూస్తున్న ‘ఉత్తమ విలన్' సినిమా అన్ని అడ్డంకులు తొలగించుకుని ఈ రోజు విడుదలవుతుందని అంతా అనుకుంటున్న తరుణంలో అనుకోని కారణాలతో విడుదల ఆగి పోయింది. నిర్మాతలకు, ఫైనాన్సియర్లకు మధ్య డబ్బు విషయంలో వచ్చిన గొడవే సినిమా ఆగి పోవడానికి కారణమని తెలుస్తోంది.
ప్రస్తుతం చర్చలు జరుగుతున్నాయి. మరి ఈ రోజు కనీసం ఒక్క షో అయినా పడుతుందా? లేక విడుదల వాయిదా పడుతుందా? అనేది చర్చల తర్వాత తేలనుంది. సినిమా విడుదల ఆగి పోవడంతో అభిమానులు తీవ్ర నిరాశకు లోనయ్యారు. ఈ రోజు సాయంత్రం వరకు థియేటర్లలో విడుదలవుతుందని ఎదురు చూస్తున్నారు. మరో వైపు మార్నింగ్ షో టికెట్స్ కొన్న వారికి డబ్బులు తిరిగి ఇచ్చేస్తుండటం గమనార్హం.
ఉత్తమ విలన్ చిత్రానికి రమేష్ అరవింద్ దర్శకత్వం వహించారు. పూజాకుమార్, ఆండ్రియా, పార్వతీ మేనన్ హీరోయిన్లు. ఈ చిత్రాన్ని తెలుగులో సి.కళ్యాణ్ విడుదల చేస్తున్నారు. కమల్హాసన్ ద్విపాత్రాభినయం చేస్తున్న తమిళ సినిమా ‘ఉత్తమవిలన్'. ఎన్.లింగుస్వామికి చెందిన తిరుపతి బ్రదర్స్, కమల్హాసన్ కు చెందిన రాజ్ కమల్ ఫిల్మ్స్ ఇంటర్నేషనల్ సంయుక్తంగా నిర్మిస్తున్న సినిమా ఇది. గిబ్రన్ సంగీతాన్ని అందిస్తున్నారు. ఈ చిత్రాన్ని సి.కె.ఎంటర్టైన్మెంట్స్ ప్రై. లిమిటెడ్ పతాకంపై సి.కళ్యాణ్ అదే పేరుతో తెలుగులో విడుదల చేస్తున్నారు.