‘కంచె’ ఆడియో: రామ్ చరణ్ ఆసక్తికర కామెంట్స్ (ఫోటోస్)

దర్శకుడు క్రిష్ మాట్లాడుతూ...

ఈ సినిమా కోసం జార్జియా గవర్నమెంట్ అనుమతి తీసుకుని ఆ బ్యాక్ డ్రాపుకు తగిన విధంగా గన్స్, ట్యాంకర్స్, టీకప్స్ ఇలా అన్నీ ఉపయోగించాం. ఆర్ట్ డైరెక్టర్ సాహి సురేష్, సినిమాటోగ్రాఫర్ జ్ఞానశేఖర్ వండర్ ఫుల్ ఎఫర్టె పెట్టి పని చేసారు. రెండో ప్రపంచ యుద్ధం మీద తీసిన ఈ సినిమాకు చింతన్ భట్ మంచి సంగీతాన్ని ఇచ్చారు. మనకు చాలా మంది దర్శకులు ఉన్నా ఎందుకో రెండో ప్రపంచ యుద్ధం గురించి కథను తీయలేదు. నేను ఎవరికీ భిన్నంగా ఉండాలని ఈ కథను చెప్పలేదు. చెప్పని కథలను చెప్పడానికి ఈ అవకాశం ఇచ్చిన నిర్మాతలకు థాంక్స్' అన్నారు.

నాగబాబు మాట్లాడుతూ...

వరుణ్ తేజ్ ముకుందతో మంచి పేరు తెచ్చుకున్నాడు. తను ఇంకా పేరు తెచ్చుకుంటే నిజమైన పుత్రోత్సాహం నాకు వస్తుంది. కంచె కథ చెప్పినపుడు 20 నిమిషాలు మాట్లాడలేక పోయాను. అందరిలాగే ఈ సినిమా కోసం నేను వెయిట్ చేస్తున్నాను అన్నారు.

వరుణ్ తేజ్ మాట్లాడుతూ....

ఈ సినిమాలో నటించే అవకాశం రావడం గౌరవంగా భావిస్తున్నాను. నా టీమ్ అందరికీ దన్యవాదాలు. పండగరోజు అందరూ ఫ్యామిలీతో ఉండాలనుకుంటారు. అభిమానులందరూ నా ప్యామిలీ. పెదనాన్న చిరంజీవి గారికి నేను పెద్ద ఫ్యాన్. ఆయన సినిమాలు చూస్తూ పెరిగాను. ఆయనకు థాంక్స్ తప్ప ఏమీ చెప్పుకోలేను. మంచి సినిమా చేస్తున్నాను. నాన్న పరువు నిలబడెతాను. సినిమా విడుదలైన తర్వాత బాబాయ్ పవన్ కళ్యాణ్ కి చూపిస్తాను. సినిమా ఎలా ఉందని అడుగుతాను. అభిమానులు గర్వ పడేలా సినిమా ఉంటుంది. అన్నారు.

సంగీత దర్శకుడు చిరంతన్ భట్ మాట్లాడుతూ...

నేను చెన్నైలో సంగీతం నేర్చుకున్నాను. తెలుగు సినిమా సంగీతం గురించి తెలుసు. గబ్బర్ సినిమాకు క్రిష్ తో కలిసి పని చేసాను. అతను చాలా ఇంటలిజెన్స్ డైరెక్టర్. ఇంత వండర్ ఫుల్ సినిమాకు ఛాన్స్ ఇచ్చినందుకు క్రిష్ కి ధన్యవాదాలు. తెలుగులో తొలి సినిమాకు సీతారామ శాస్త్రిగారితో పని చేయడం చాలా ఆనందంగా ఉంది. ఆయన రాసిన ఈ వేదమైనా ఎవ్వరి స్వేదమైనా పాట విన్నపుడు విస్మరించి పోయాను అన్నారు.

సిరివెన్నెల మాట్లాడుతూ...

రెండో ప్రపంచ యుద్ధం నేపథ్యంలో తెలుగులో సినిమా రావడం ఇదే తొలిసారి. ఈ సినిమా మనల్ని 1945లోకి తీసుకెళ్తాయి. యుద్దంలో ప్రేమ ఉంటుంది. ప్రేమ కూడా యుద్ధంలాగే ఉంటుంది అని చెబుతూ ప్రపంచంలోని మనిషి దేని కొట్టుకుంటున్నాడో తెలియని దాన్ని యుద్ధం రూపంలో చెప్పడం, అందులోనే ప్రేమను కూడా చెప్పడం, ఈ మనిషి తాలూకు వైరుధ్యాన్ని చూపడం నాకు చాలా బాగా నచ్చింది అన్నారు. వరుణ్ ని చూస్తుంటే హాలీవుడ్ నటున్నిచూసినట్లు ఉంది. రెండో సినిమాకే ఇలాంటి సినిమాలో అవకాశం దొరకడం అదృష్టం అన్నారు.