Don't Miss!
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
గంగలో కంగన ని చూసి పిచ్చెక్కిపోతున్నారు : టాక్ ఆఫ్ సోషల్ మీడియా "మణికర్ణిక"
మణికర్ణిక పోస్తర్ లాంచ్ సందర్భంగా కంగనా గంగా స్నానం ఫొటోలు సోషల్ మీడియాలో పిచ్చిపిచ్చిగా వైరల్ అవుతున్నాయ్.
టాలీవుడ్ లో "గమ్యం, వేదం, కృష్ణం వందే జగద్గురుం, కంచె, గౌతమిపుత్ర శాతకర్ణి" వంటి వైవిధ్యమైన చిత్రాలతో దర్శకుడిగా తనకంటూ ప్రత్యేకమైన గుర్తింపు సంపాదించుకోవడంతోపాటు తెలుగు సినిమా ఖ్యాతిని పెంపొందింపజేసిన దర్శకుడు క్రిష్ జాగర్లమూడి బాలీవుడ్ లోనూ "గబ్బర్ ఈజ్ బ్యాక్"తో తానేమిటో, తన సినిమా ఎలా ఉంటుందో నిరూపించుకున్నాడు.
ఝాన్సీ లక్ష్మీభాయి జీవితం ఆధారంగా
తాజాగా క్రిష్ తెరకెక్కించనున్న బాలీవుడ్ చిత్రం "మణికర్ణిక". వీరనారి ఝాన్సీ లక్ష్మీభాయి జీవితం ఆధారంగా తెరకెక్కనున్న ఈ చారిత్రక చిత్రంలో బాలీవుడ్ బ్యూటీ కంగనా రనౌత్ టైటిల్ పాత్ర పోషిస్తోంది.'బాహుబలి' రచయిత విజయేంద్రప్రసాద్ ఈచిత్రానికి కథ అందించారు.
కంగనా రనౌత్ లీడ్ రోల్
ఈ చిత్రంలో కంగనా రనౌత్ లీడ్ రోల్ చేస్తోంది. శంకర్-ఎస్సాన్-లాయ్ సంయుక్తంగా సంగీతం అందిస్తున్న ఈచిత్రాన్ని జీ స్టూడియోస్, కమల్ జైన్ సమర్పణలో కైరోస్ కొంటెంట్ స్టూడియోస్ బేనర్లో సంజయ్ కుట్రీ, నిషాద్ పిట్టి సహనిర్మాతలుగా ఈ చిత్రం తెరకెక్కుతోంది.
అసలు పేరు మణికర్ణిక
ఝాన్సీ రాణి లక్ష్మి భాయి అసలు పేరు మణికర్ణిక. మరాఠా బ్రాహ్మణ కుటుంబానికి చెందిన ఆమె1828 లో వారణాసిలో జన్మించారు. అందుకే సినిమాను అక్కడి నుండే ప్రారంభించాలని నిర్ణయించిన క్రిష్ ఫస్ట్ పోస్టర్ ఆవిష్కరణ కార్యక్రమం వారణాసిలో ఏర్పాటు చేసారు.
టాక్ ఆఫ్ ఫిలిం ఇండస్ట్రీ
అయితే ఈ కార్యక్రమానికి ముందు కంగనా గంగా నది లో మునక లు వేయటం ఇప్పుడు టాక్ ఆఫ్ ఫిలిం ఇండస్ట్రీ అయ్యింది. హర హర మహాదేవ్ అంటూ ఆరుసార్లు మునిగింది స్టార్ హీరోయిన్ కంగనా రనౌత్. ఆ తరువాత కూడా ఒక వీడియో తీసుకుంటాం మరోసారి మునగవా అంటూ మీడియా వారు రిక్వెస్ట్ చేస్తే.. వారి కోసం మరో రెండుమూడుసార్లు మనిగింది క్వీన్.
గంగలో మునకలేసింది
రెండు రోజుల కిందట గంగానది తీరాన.. కాశి నగరంలో.. ''మణికర్ణిక'' సినిమా షూటింగ్ మొదలైంది. ఈ సందర్భంగా పట్టు బట్టల్లో.. అది కూడా డిజైనర్ వేర్ లో.. హారతిని అందుకుని.. గంగలో మునకలేసింది ఈ స్టార్ బ్యూటి. ఆ తర్వాత కాశీ విశ్వనాథుని దర్శించుకొని మణికర్ణిక పోస్టర్ లాంచ్ చేసింది కంగనా. అయితే ఇప్పుడు కంగనా గంగా స్నానం ఫొటోలు పిచ్చిపిచ్చిగా వైరల్ అవుతున్నాయ్.
సామాజిక మాధ్యమాల్లో హల్ చల్
లేత పింక్ చీర ధరించి కట్ స్టోన్ జువెల్లరీతో సెట్స్ కు చేరుకున్న కంగన రనౌత్ ఫోటోలు సామాజిక మాధ్యమాల్లో హల్ చల్ చేస్తున్నాయి. ఇదే ఘాట్ దగ్గర గంగా హారతిలోనూ ఆమె పాల్గొన్నది. ఈ సినిమా కోసం రాణి లక్ష్మీభాయి గురించి రీసెర్చ్ చేసే పనిలో ఉంది. ఝాన్సీతోపాటు ఇతర ప్రదేశాలకు వెళ్తానని కంగనా చెప్పింది.
విజయేంద్రప్రసాద్
ఈ చారిత్రాత్మక మూవీకి కథను విజయేంద్రప్రసాద్ అందించారు.. ప్రముఖ దర్శకుడు క్రిష్ ఈ మూవీకి డైరెక్టర్.. వచ్చే ఏడాది ఏప్రిల్లో ఈ మూవీ విడుదల కానుంది. పాపులర్ డైరెక్టర్ క్రిష్ దర్శకత్వంలో ఈ మూవీ షూటింగ్ స్టార్ట్ అయింది. వచ్చే ఏడాది ఏప్రిల్ 27 న మణికర్ణిక చిత్రం విడుదల కానుంది. భారీ బడ్జెట్ తో ఈ సినిమాను జీ స్టూడియో నిర్మిస్తోంది.