Don't Miss!
- Sports KKR Playing XI: రూ. 24.75 కోట్ల ఆటగాడిపై వేటు! పంజాబ్తో తలపడే కేకేఆర్ తుది జట్టు ఇదే!
- News మరో ఎమ్మెల్సీ ఉపఎన్నికకు షెడ్యూల్ విడుదల: బరిలో తీన్మార్ మల్లన్న
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ప్రభాస్ పెళ్లి ఇష్యూ: ఆగ్రహానికి గురైన కృష్ణం రాజు!
హైదరాబాద్: ప్రభాస్ వివాహం భీమవరంకు చెందిన అమ్మాయితో జరుగబోతోంది అంటూ గత కొంత కాలంగా రూమర్స్ వినిపిస్తున్న సంగతి తెలిసిందే. కొన్ని టీవీ ఛానల్స్ వారు సదరు అమ్మాయి ఫోటోగ్రాఫును కూడా టెలికాస్ట్ చేసినట్లు సమాచారం. ఈ వ్యవహారంపై ప్రభాస్ పెదనాన్న కృష్ణం రాజు ఫైర్ అయ్యాడు.
‘ప్రభాస్ పెళ్లి గురించి వస్తున్న వార్తలన్నీ ఆదారం లేని వార్తలు. ఇలాంటి రూమర్స్ ఎవరు క్రియేట్ చేస్తున్నారో నాకు తెలియదు. ఇలాంటి రూమర్స్ రావడం ఇదే మొదటి సారి కాదు..గతంలోనూ ఇలాంటివి విన్నాను' అని కృష్ణం రాజు అన్నట్లు తెలుస్తోంది. ప్రభాస్ పెళ్లి గురించి ఏదైనా ఉంటే స్వయంగా నేనే మీడియాకు వెల్లడిస్తాను అన్నారు.
కృష్ణం రాజు స్వయంగా స్పందించడంతో ప్రభాస్ ఇప్పుడు పెళ్లి ఆలోచనలో ఉన్నట్లు సమాచారం. ప్రస్తుతం ప్రభాస్ ‘బాహుబలి-2' షూటింగుకు రెడీ అవుతున్నారు. ఇందుకోసం పాత్రకు తగినట్లుగా శరీరాకృతిని పెంచడంతో పాటు....హెయిర్ స్టైల్, గడ్డంకు సంబంధించిన జాగ్రత్తలు తీసుకుంటున్నాడు.
‘బాహుబలి-ది కంక్లూజన్' షూటింగ్ విషయాల్లోకి వెళితే.... ప్రస్తుతం రాజమౌళి అండ్ టీం ప్రీ ప్రొడక్షన్ పనుల మీద బిజీగా గడుపుతున్నారు. డిసెంబర్ 14 నుండి షూటింగ్ మొదలు కానుంది. రామోజీ ఫిల్మ్ సిటీలో షూటింగుకు సంబంధించిన సెట్టింగ్స్ రెడీ అవుతున్నాయి.
బాహుబలి పార్ట్ 1 విజయం అందించిన ఉత్సాహంతో రాజమౌళి అండ్ టీం సెకండ్ పార్ట్ ను మరింత అద్భుతంగా తీయాలనే పట్టుదలతో ముందుకు సాగుతున్నారు. సెకండ్ పార్ట్ ప్రేక్షకుల ఊహకు అందని విధంగా ఉంటుందని, గతంలో ఇండియన్ సినిమా చరిత్రలో ఎన్నడూ చూడని అనుభూతి ఈ సినిమా ద్వారా ప్రేక్షకులు పొందుతారని అంటున్నారు.