Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మహేష్ బాబు సొంత నిర్మాణ సంస్థ ప్రారంభం (ఫోటో)
హైదరాబాద్: మహేష్బాబు నిర్మాతగా మారనున్నారా? త్వరలో సొంతంగా ఓ నిర్మాణ సంస్థను ప్రారంభించబోతున్నారా? అంటూ ఈ మధ్య కాలంలో మీడియాలో వార్తలు వెలువడ్డ సంగతి తెలిసిందే. నిజమే మహేష్ బాబు నిర్మాతగా మారారు. కొరటాల శివ దర్శకత్వంలో మహేష్ బాబు ‘శ్రీమంతుడు' చిత్రం చేస్తున్న సంగతి తెలిసిందే. ఈ రోజే ఈ చిత్రానికి సంబంధించిన ఫస్ట్ లుక్ విడుదలైంది. ఈ చిత్ర నిర్మాతల్లో మహేష్ బాబు కూడా ఒకరు.
‘జి. మహేష్ బాబు ఎంటర్టెన్మెంట్ ప్రై.లి' పేరుతో మహేష్ బాబు నిర్మాణ సంస్థను నెలకొల్పారు. ‘శ్రీమంతుడు' ఫస్ట్ లుక్ పోస్టర్ మీద మహేష్ బాబు నిర్మాణ సంస్థకు సంబంధించిన లోగో కూడా ప్రచురించారు. దీంతో మహేష్ బాబు నిర్మాణ సంస్థ ఈ సినిమాతోనే లాంచ్ అయినట్లయింది.
మహేష్ బాబు ఫ్యామిలీ ఇప్పటికే సినీ నిర్మాణ రంగంలో ఉన్నప్పటికీ.....ఆయన మాత్రం కేవలం నటుడిగానే కొనసాగుతూ వస్తున్నారు. అయితే ‘శ్రీమంతుడు' సినిమాలో తన నిర్మాణ భాగస్వామ్యం కూడా ఉండటం గమనార్హం.
ప్రస్తుతం తెలుగు సినిమా రంగంలో పోటీని తట్టుకోవాలంటే.....కేవలం నటనకే పరిమితం కాకుండా అన్ని విభాగాల్లోనూ పట్టు సాధించాలనే ఆలోచనతోనే మహేష్ బాబు సినీ నిర్మాణ రంగం వైపు అడుగులు వేస్తున్నట్లు స్పష్టమవుతోంది. ఆయన బేనర్లో త్వరలో స్మాల్ బడ్జెట్ సినిమాలు నిర్మించే అవకాశం ఉంది.
సౌతిండియా స్టార్ హీరోల్లో చాలా మంది తమ సొంత నిర్మాణ సంస్థలను నెలకొల్పాయి. ఇప్పటికే పవన్ కళ్యాణ్, హీరో సూర్య కొత్తగా తమ సొంత నిర్మాణ సంస్థలను పెట్టుకున్నారు. ఇపుడు వారి లిస్టులో మహేష్ బాబు కూడా చేరారు.