Don't Miss!
- News barrelakka: వివాహ బంధంలోకి అడుగుపెట్టిన బర్రెలక్క
- Sports IPL 2024: అందుకే పృథ్వీ షా ఆడటం లేదు: సౌరవ్ గంగూలీ
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
హీరో నాని సినిమాకు మహేష్ బాబు సపోర్టు!
హైదరాబాద్: మహేష్ బాబు, పవన్ కళ్యాణ్, ప్రభాస్ లాంటి పెద్ద హీరోలు చిన్న హీరోల సినిమాల ఆడియో వేడుకలకు ముఖ్య అతిథిగా హాజరవ్వడం, వారి చేతుల మీదుగా ఆడియో విడుదల కావడం చూస్తేనే ఉన్నాం. పెద్ద హీరోలు ఇలాంటి వేడుకలకు వచ్చారంటే ఆ సినిమాకు వారి సపోర్టు ఇచ్చినట్లే...ఫలితంగా ఆయా సినిమాలకు మంచి ఓపెనింగ్స్ వస్తున్నాయి.
ఈ నెల 18న జరుగబోతున్న ‘కృష్ణగాడి వీరప్రేమగాధ' సినిమా ఆడియో వేడుకకు సూపర్ స్టార్ మహేష్ బాబు ముఖ్య అతిథిగా హాజరు కాబోతున్నారు. మహేష్ బాబుతో దూకుడు, ‘1-నేనొక్కినే', ‘ఆగడు' చిత్రాలు తెరకెక్కించిన 14రీల్స్ఎంటర్టెన్మెంట్స్ సంస్థ ‘కృష్ణగాడి వీరప్రేమగాధ' చిత్రాన్ని తెరకెక్కిస్తున్నారు.
నాని ఈ చిత్రంలో నందమూరి బాలకృష్ణ అభిమానిగా కనిపిస్తాడట. గతంలో ఈ సినిమాకు ‘జై బాలయ్య' అనే టైటిల్ వినిపించింది. అయితే ఈ టైటిల్ ఒక వర్గానికి చెందినదిగా ఉండటంతో 'కృష్ణ గాడి వీర ప్రేమ గాథ' గా మార్చారు. అనంతపుతం బ్యాక్ డ్రాప్ లో సాగే ఈ కథ ఇది. ఈ సినిమాను ఫిబ్రవరి 5న విడుదల చేయాడానికి సిద్దం అవుతున్నారు. నాని నటించిన ‘భలే భలే మగాడివోయ్' చిత్రం మంచి విజయం సాధించిన నేపథ్యంలో ఆ తర్వాత వస్తున్న ఈ చిత్రంపై అంచనాలు భారీగా ఉన్నాయి.
నాని, మెహరీన్, సంపత్, మురళీశర్మ, బ్రహ్మాజీ, పృథ్వీ, శత్రు, హరీష్ ఉత్తమన్, బేబి నయన, మాస్టర్ ప్రతాప్, బేబి మోక్ష తదితరులు తారాగణంగా నటిస్తున్న ఈ చిత్రానికి సినిమాటోగ్రఫీ: యువరాజ్, సంగీతం: విశాల్ చంద్రశేఖర్, ఫైట్స్: విజయ్, డ్యాన్స్: రాజు సుందరం, ఎడిటర్: వర్మ, ఆర్ట్: అవినాష్ కొల్ల, లైన్ ప్రొడ్యూసర్: హరీష్ కట్టా, లిరిక్స్: కె.కె.(కృష్ణకాంత్), కో డెరక్టర్: సాయి దాసం, డైలాగ్స్: హను రాఘవపూడి, జయకృష్ణ, నిర్మాతలు: రామ్ అచంట, గోపీచంద్ అచంట, అనిల్ సుంకర, కథ, స్క్రీన్ ప్లే, దర్శకత్వం: హను రాఘవపూడి.