Don't Miss!
- Finance Adani-Birla: అదానీని టార్గెట్ చేసిన బిర్లా.. ఆ సిమెంట్ ఫ్యాక్టరీ కొనుగోలు..
- Automobiles ట్రాఫిక్లో ఉన్నప్పుడు ఈ పొరపాట్లు చేశారో.. ప్రమాదాన్ని కొని తెచ్చుకున్నట్లే.!!
- News ఎన్నికల ఏజెంట్లుగా వాలంటీర్లు - సీన్ రివర్స్...!!
- Sports రుతురాజ్ చెత్త రికార్డు.. చరిత్రలో ఒకే ఒక్కడు!
- Technology Nokia 225 4G 2024 మోడల్ ధర, స్పెసిఫికేషన్లు మరియు డిజైన్ లీక్! వివరాలు
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
భేల్పురి ఇష్టపడ్డాడు: కొడుకు గురించి మహేష్ ట్వీట్
హైదరాబాద్: టాలీవుడ్ సూపర్ స్టార్ మహేష్ బాబు తనయుడు గౌతం కృష్ణ నిన్న (ఆగస్టు 31)న పుట్టినరోజు వేడుక జరుపుకున్న సంగతి తెలిసిందే. ఏదైనా ప్రత్యేక సందర్భం ఉంటే తప్ప ట్విట్టర్లో ఎలాంటి ట్వీట్స్ చేయని మహేష్ బాబు.... తన కొడుకు పుట్టినరోజు సందర్భంగా ట్వీట్ చేసారు.
'నా కొడుకు ఈ రోజుతో 8వ వసంతంలోకి అడుగు పెడుతున్నాడు. మీ ప్రేమ, ఆశీర్వాదాలు చూపుతున్నందుకు ధాంక్స్. ఆగడు సినిమాలోని ఆడియో ట్రాక్స్లో 'భేల్పురి' సాంగ్ గౌతం ఫేవరెట్ అయిపోయింది. మళ్లీ మళ్లీ అదే పాట వింటూ చాలా ఎంజాయ్ చేస్తున్నాడు. థమన్కు థాంక్స్' అంటూ ట్వీట్ చేసారు.
మహేష్ బాబు-నమ్రత శిరోద్కర్ దంపతులకు ఆగస్టు 31, 2006న గౌతం కృష్ణ జన్మించాడు. మమేష్ బాబు నటించిన '1(నేనొక్కడినే)' చిత్రం ద్వారా గౌతం కృష్ణ తెరంగ్రేటం చేసిన విషయం తెలిసిందే. సూపర్ స్టార్ కృష్ణ నట వారసుడిగా మహేష్ బాబు సినిమారంగంలోకి ప్రవేశిస్తే....మహేష్ బాబు నట వారసుడిగా గౌతం కృష్ణ తెరంగ్రేటం చేసారు. మహేష్ బాబు తన తండ్రి సినిమాల్లో చైల్డ్ ఆర్టిస్టుగా చేసినట్లే, గౌతం కూడా తన తండ్రి సినిమాల్లో చైల్డ్ ఆర్టిస్టుగా వెండి తెరకు పరిచయం కావడం గమనార్హం.
'ఆగడు' సినిమా విషయానికొస్తే....ఈ చిత్రానికి శ్రీను వైట్ల దర్శకత్వం వహిస్తున్నారు. మహేష్ బాబు సరసన తమన్నా హీరోయిన్. థమన్ సంగీతం అందించారు. ఆగస్టు 30న సినిమా ఆడియోను విడుదల చేసారు. ఆడియోకు మంచి స్పందన వస్తోంది. త్వరలో సినిమాను విడుదల చేయనున్నారు.