హోమ్

న్యూస్

హైదరాబాద్ : లైఫ్ పార్టనర్ .. నమ్రత తన బలమని సూపర్‌స్టార్‌ మహేష్ బాబు అన్నారు. ఆదివారం మహేష్ సతీమణి, నటి నమ్రత పుట్టినరోజు జరుపుకుంటున్నారు. ఈ సందర్భంగా నమ్రతపై ఉన్న ప్రేమను తెలుపుతూ ట్విట్టర్‌ ద్వారా మహేష్‌ ఆమెకుజన్మదిన శుభాకాంక్షలు తెలిపారు. తన ప్రేమను తెలియజేసేందుకు ట్విట్టర్ ఖాతాను ఎంచుకున్నాడు. నమ్రత ఫోటోను ట్వీట్ చేస్తూ ఈ క్రింద విధంగా విషెష్ తెలిపారు.

My strength and the light of my life - Happy Birthday to my dearest wife :) pic.twitter.com/OemBbGNKqK

— Mahesh Babu (@urstrulyMahesh) January 22, 2017

"నా బలం, నా జీవితంలో వెలుగు నువ్వే. హ్యాపీ బర్త్ డే టూ మై డియరెస్ట్ వైఫ్" అని ట్వీట్ చేశాడు. ప్రేమించి పెళ్లి చేసుకున్న మహేష్, నమ్రతల జంట ఎంతో మంది సెలబ్రిటీలకు ఆదర్శంగా నిలిచింది. ఈ ఉదయం 9 గంటల సమయంలో పెట్టిన ఈ ట్వీట్ సామాజిక మాధ్యమాల్లో వైరల్ అయింది.

మహేశ్‌ ప్రస్తుతం ఎ.ఆర్‌. మురుగదాస్‌ దర్శకత్వంలో తెరకెక్కిస్తున్న చిత్రంలో నటిస్తున్నారు. రకుల్‌ప్రీత్‌ సింగ్‌ హీరోయిన్ గా నటిస్తున్న ఈ చిత్రంలో ఎస్‌.జె. సూర్య విలన్ పాత్రను పోషిస్తున్నారు. ఈ చిత్రానికి 'సంభవామి' అనే టైటిల్‌ను పరిశీలిస్తున్నట్లు సమాచారం.

ఈ మూవీ టైటిల్ ఖరారైందంటూ గతంలో వాస్కోడిగామా, ఎనీమీ, అభిమ‌న్యుడు, ఏజెంట్ శివ, ఏజెంట్ 007...ఇలా రకరకాల టైటిల్స్ ప్ర‌చారంలోకి వ‌చ్చాయి. ఏజెంట్ శివ టైటిల్ దాదాపు క‌న్ ఫ‌ర్మ్ అయిందని.. ఈ టైటిలే త్వ‌ర‌లో అఫీషియల్ గా ఎనౌన్స్ చేయ‌నున్నారని ప్ర‌చారం జ‌రిగింది. అయితే.. మ‌హేష్ బాబు - మురుగుదాస్ ల మూవీ కోసం ఫిల్మ్ ఛాంబ‌ర్ లో సంభ‌వామి అనే టైటిల్ రిజిస్టర్ చేసిన‌ట్టు వార్తలు వచ్చినా పక్కగా ఎవరూ ఇదే టైటిల్ అంటూ ఇంకా చెప్పకపోవటం అభిమానుల్లో కొంత గందరగోళానికి కారణమయ్యింది.