హోమ్

న్యూస్

హైదరాబాద్: పోకిరి, బిజినెస్‌మేన్ చిత్రాల తర్వాత మహేష్ బాబు-పూరి జగన్నాథ్ కాంబినేషన్లో ఓ సినిమా రాబోతోందని గత కొంత కాలంగా వార్తలు వినిపిస్తున్న సంగతి తెలిసిందే. తాజాగా అందుతున్న సమాచారం ప్రకారం ఈ ప్రాజెక్టు దాదాపు ఖరారైనట్లు తెలుస్తోంది. ఈ చిత్రాన్ని వైజయంతి మూవీస్ బేనర్లో ప్రముఖ నిర్మాత అశ్వినీదత్ నిర్మించనున్నారి ఫిల్మ్ నగర్ టాక్.

ప్రస్తుతం మహేష్ బాబు కొరటాల శివ దర్శకత్వంలో ఓ సినిమా చేస్తున్నారు. ఈ చిత్రం పూర్తయిన తర్వాత మహేష్ బాబు- పూరి కాంబినేషన్లో వచ్చే సినిమా పట్టాలెక్కే అవకాశం ఉందని తెలుస్తోంది. మహేష్ బాబు ఇమేజ్‌కు తగిన విధంగా ఈ చిత్రాన్ని పూర్తి వినోదాత్మకంగా తెరకెక్కించబోతున్నారు.

మరో వైపు పూరి జగన్నాథ్ ప్రస్తుతం ఎన్టీఆర్ హీరోగా ఓ సినిమా చేస్తూ బిజీగా గడుపుతున్నారు. ఈ చిత్రం పూర్తయిన తర్వాత మహేష్ బాబుతో చేయబోయే సినిమా స్క్రిప్టు వర్కుపై దృష్టి సారించనున్నారు. 2015లో ఈచిత్రం ప్రారంభం అయ్యే అవకాశం ఉంది. త్వరలో పూర్తి వివరాలు తెలియనున్నాయి.