ఇది నా సినిమా అని చెప్పుకోవడం చాలా గర్వంగా ఉంది: నాని

లక్కీగా భావిస్తున్నాను

చిత్ర దర్శకుడు విరించివర్మ మాట్లాడుతూ - ''నా రెండో సినిమా నానితో చేయడం లక్కీగా భావిస్తున్నాను. అలాగే ఆనంది ఆర్ట్‌ క్రియేషన్స్‌ వంటి బిగ్‌ బ్యానర్‌లో నా రెండో సినిమా చేస్తానని ఎప్పుడూ ఊహించలేదు. కథ విని కిరణ్‌గారు బాగా ఇంప్రెస్‌ అయి నాని దగ్గరకు తీసుకెళ్లి కథ చెప్పించారు. నాని కూడా చాలా ఎగ్జైట్‌ అయి సినిమాని వెంటనే ఓకే చేశారు. కేవ మూవీస్‌ గీతగారు ఫస్ట్‌ నుండి లాస్ట్‌ వరకు ఫ్రెండ్‌లా ట్రీట్‌ చేస్తూ ఎంతో సపోర్ట్‌ చేసినందుకు చాలా థాంక్స్‌. గోపిసుందర్‌ సబ్జెక్ట్‌ విని ఇంప్రెస్‌ అయి ఎక్స్‌లెంట్‌ ట్యూన్స్‌ ఇచ్చారు. రామజోగయ్యశాస్త్రి, శ్రీమణి, రాంబాబు గోసాల మంచి లిరిక్స్‌ రాశారు. నేను రాసుకున్న కథని విజువల్‌గా అద్భుతంగా తీసి సినిమాని నెక్ట్స్‌ లెవల్‌కి తీసుకెళ్లారు. ఆర్ట్‌ డైరెక్టర్‌ అశోక్‌ రిచ్‌ లొకేషన్స్‌ని సెలక్ట్‌ చేశాడు. నానితో సినిమా చేయడం మంచి ఎక్స్‌పీరియన్స్‌ని ఇచ్చింది'' అన్నారు.

అప్పుడే ఫిక్స్ అయ్యాను

''విరించివర్మ వచ్చి 'ఉయ్యాల జంపాల' కథ చెప్పాడు. నాకు బాగా నచ్చింది. కానీ ఇది కొత్త వాళ్లతో చేస్తే బాగుంటుందని విరించికి చెప్పాను. అతన్ని చూడగానే నాకు బాగా నచ్చాడు. అప్పుడే ఫిక్స్‌ అయ్యాను విరించివర్మతో ఒక సినిమా చేయాలని.... అన్నారు.

150 శాతం ఈ సినిమా చేయాలని డిసైడ్‌ అయ్యాను

అతను ఫస్ట్‌ 'వెన్నెల' అనే ఒక క్యూట్‌ షార్ట్‌ ఫిలిం తీశాడు. న్యూ కాన్సెప్ట్‌తో చాలా బాగా తీశాడు. తర్వాత కిరణ్‌గారు, గీతగారు విరించివర్మను తీసుకొచ్చి కథ చెప్పారు. బాగా నచ్చింది. చాలా ఎగ్జైట్‌ అయ్యాను. నాకు ఎప్పటి నుంచో లవ్‌స్టోరీస్‌ చేయాలని ఉంది. కథ విన్నాక 150 శాతం ఈ సినిమా చేయాలని డిసైడ్‌ అయ్యాను అన్నారు నాని.

నా సినిమా అని చెప్పుకోవడం చాలా గర్వంగా ఉంది

నిజంగా ఈ సినిమా ఎప్పుడు స్టార్ట్‌ చేశామో, ఎప్పుడు ఫినిష్‌ అయిందో తెలియకుండా కంప్లీట్‌ అయింది. సినిమా చేసేటపుడు హాయిగా ఎంజాయ్‌ చేస్తూ చేశాం. ఫైనల్‌ రిజల్ట్‌ చూశాక టు హండ్రెడ్‌ పర్సెంట్‌ విరించివర్మ న్యాయం చేశాడు అనిపించింది. చాలా ప్రౌడ్‌గా ఫీలయ్యాను. 'మజ్ను' ఇది నా సినిమా అని చెప్పుకోవడం చాలా గర్వంగా ఉంది. సినిమా చూసి ఆడియన్స్‌ చాలా ఇంప్రెస్‌ అవుతారు. ఏ లెక్కలు వేసుకోకుండా సింపుల్‌గా తన మనసులో ఉన్న కథని అందంగా చూపించాడు. సినిమా చేసేటప్పుడు స్టార్టింగ్‌ నుండి ఎండింగ్‌ వరకు ఒక స్మైల్‌ ఉంటుంది. తెలియని ఒక హానెస్ట్‌, సింప్లిసిటీ ఉంది అని నాని తెలిపారు.

కుటుంబం అంతా చూసి ఎంజాయ్‌ చేయగల సినిమా

ఈ చిత్రంలో ఫస్టాఫ్‌లో నాలుగు పాటలుంటాయి. ఈమధ్య కాలంలో ఏ సినిమాలో లేవు. పాటలన్నీ కథలో భాగంగానే ఉంటాయి. గోపిసుందర్‌ అవుట్‌ స్టాండింగ్‌ మ్యూజిక్‌ ఇచ్చారు. లవ్‌స్టోరీ కామెడీ, ఎమోషన్స్‌తో పాటు ఒక అందమైన కథ చెప్పాలనే ప్రయత్నం చేశాం. నా సినిమాల విషయంలో ప్రేక్షకుల్లో ఒక నమ్మకం ఉంది. చిన్న పెద్ద తేడా లేకుండా ప్రతి ఒక్కరూ నా సినిమా చూస్తారు. 'మజ్ను'తో అది డబుల్‌ అవుతుంది. కంప్లీట్‌గా కుటుంబం అంతా చూసి ఎంజాయ్‌ చేయగల సినిమా అన్నారు నాని.

ఏ రేంజ్‌ హిట్‌ అనేది ప్రేక్షకులే చెప్పాలి

జ్ఞానశేఖర్‌ ఫొటోగ్రఫి, గోపిసుందర్‌ మ్యూజిక్‌, విరించివర్మ టేకింగ్‌, మిర్చి కిరణ్‌ డైలాగ్స్‌ ఈ సినిమాకి మెయిన్‌ హైలైట్స్‌. సత్య నా ఫ్రెండ్‌ క్యారెక్టర్‌లో చాలా చాలా ముఖ్యమైన పాత్ర చేశాడు. మంచి పాటలు రాసిన లిరిక్‌ రైటర్స్‌కి నా థాంక్స్‌. 'మజ్ను' హండ్రెడ్‌ పర్సెంట్‌ హిట్‌ కాబోతోంది. అది ఏ రేంజ్‌ హిట్‌ అనేది ప్రేక్షకులే చెప్పాలి. ఈ సినిమాకి పనిచేసిన ప్రతి ఒక్కరికీ నా థాంక్స్‌ అని నాని వ్యాఖ్యానించారు.

నాని సినిమాలు హాట్‌కేక్‌లా వుంటున్నాయి

కమెడియన్‌ సత్య మాట్లాడుతూ - ''ప్రస్తుతం నాని సినిమాలు హాట్‌కేక్‌లా వుంటున్నాయి. పిల్లల దగ్గర్నుండి ముసలి వారు వరకు చిన్న పెద్ద తేడా లేకుండా అందరూ నాని సినిమాలు ఎంజాయ్‌ చేస్తున్నారు. ఈ సినిమాలో నాని ఫ్రెండ్‌గా ఇంపార్టెంట్‌ రోల్‌ చేశాను. నాచురల్‌గా బిహేవ్‌ చేస్తుంటాడు. విరించివర్మ ప్రతి సీన్‌ని ఫెంటాస్టిక్‌గా తీశాడు. నాని ఎన్నో సలహాలు ఇచ్చారు. కిరణ్‌గారు, గీతగారి ప్రొడక్షన్‌ వాల్యూస్‌ చాలా బాగున్నాయి. ఈ సినిమా అందరికీ నచ్చుతుంది. నానికి సెకండ్‌ హ్యాట్రిక్‌ హిట్‌ అవుతుంది'' అన్నారు.

విరించివర్మ టాలెంటెడ్‌ డైరెక్టర్‌

హీరోయిన్‌ హను ఇమ్మానుయేల్‌ మాట్లాడుతూ - ''ఈ సినిమాలో ఒక మంచి పాత్రలో నటించాను. విరించివర్మ టాలెంటెడ్‌ డైరెక్టర్‌. ఈ చిత్రాన్ని బ్యూటిఫుల్‌గా ప్రజంట్‌ చేశారు. 'జారే జారే' నా ఫేవరెట్‌ సాంగ్‌. అన్ని పాటలు చాలా స్పెషల్‌గా ఉంటాయి. కిరణ్‌గారి బ్యానర్‌లో ఈ సినిమా చేయడం చాలా హ్యాపీగా ఉంది'' అన్నారు.