Don't Miss!
- News పవన్ చేతిలో జాతీయ జెండా.. ! పిఠాపురంలో కోడ్ ఉల్లంఘన ?
- Sports T20 వరల్డ్ కప్కు భారత తుదిజట్టు ఇదే - సెహ్వాగ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Automobiles వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి వీడియో
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
బాహుబలి: బిజ్జలదేవగా నాజర్.....(మేకింగ్ వీడియో)
హైదరాబాద్: మహాభారతంలో శకుని పాత్ర ఎలాంటదో....‘బాహుబలి' సినిమాలో బిజ్జలదేవ పాత్ర అలాంటిది. కౌరవులకు పాండవులపై విషం నూరిపోసిన వ్యక్తి శకుని. ఎత్తుకి పైయెత్తులు వేయడంలో శకునిని మించినవారెవరూ వుండరేమో. అలాంటివారినే శకుని అని అంటుంటాం. కానీ, అంతకు మించి.. బిజ్జలదేవ పాత్ర ‘బాహుబలి'లో వుండబోతోంది. బాహుబలిలో ఈ పాత్రను నాజర్ పోషిస్తున్నాడు.
బిజ్జలదేవ పాత్రకు ఒక చేయి చచ్చుబడిపోయి ఉంటుంది. ఇందు కోసం పత్యేకంగా చేయి తయారు చేసి బిజ్జలదేవ పాత్రను షూట్ చేసారు. తాజాగా పాత్రకు సంబంధించిన మేకింగ్ వీడియో విడుదల చేసారు.
‘బాహుబలి' ఆడియో ఇటీవల విడుదలైన సంగతి తెలిసిందే. జులై 10న సినిమాను విడుదల చేసేందుకు ప్లాన్ చేస్తున్నారు. తాజాగా ఈ చిత్రం సెన్సార్ కోసం దరఖాస్తు చేసుంది. త్వరలోనే సెన్సార్ కార్యక్రమాలు పూర్తి కానున్నాయి.
ప్రస్తుతం యావత్ భారతదేశ సినీ పరిశ్రమ కళ్ళన్నీ బాహుబలి చిత్రం వైపే వున్నాయి. ఈ లోగా చిత్రం యూనిట్ సైతం ప్రమోషనల్ ఏక్టివిటీస్ పెంచేసింది. భారతీయ చిత్ర పరిశ్రమలో రూ. 250 కోట్ల అత్యంత భారీ వ్యయం రూపొందుతున్న చిత్రం 'బాహుబలి'. రెండు భాగాలుగా తెరకెక్కుతున్న ఈ సినిమా తొలి భాగం 'బాహుబలి - ది బిగినింగ్' పేరుతో ప్రేక్షకుల ముందుకు రాబోతోంది.
ఈ చిత్రంలో ప్రభాస్, అనుష్క, తమన్నా, రానా ఇతర ముఖ్య పాత్రధారులు. ప్రసాద్ దేవినేని, శోభు యార్లగడ్డ నిర్మాతలు. కె.రాఘవేంద్రరావు సమర్పకుడు. ఇప్పటికే విడుదలైన ట్రైలర్కు అంతర్జాలంలో మంచి స్పందన వస్తోంది. కీరవాణి సంగీతం అందించారు.