Don't Miss!
- News TTD: శ్రీవారి దర్శనం , సేవలు, వసతి గదుల కోటా విడుదల...!!
- Sports ఛాంపియన్లా వస్తున్నాం.. ఇది ఆరంభం మాత్రమే - పంత్
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
ఎన్టీఆర్ మూవీ విషయంలో మోహన్ లాల్ అసంతృప్తి
హైదరాబాద్: యంగ్ టైగర్ జూ ఎన్టీఆర్ ఈ సంక్రాంతికి ‘నాన్నకు ప్రేమతో' చిత్రం ద్వారా ప్రేక్షకులను ఎంటర్టెన్ చేయబోతున్నాడు. ఈ చిత్రం తర్వాత ఎన్టీఆర్ కొరటాల శివ దర్శకత్వంలో ఓ సినిమా చేస్తున్న సంగతి తెలిసిందే. ప్రస్తుతం ఈ చిత్రాన్ని ‘జనతా గ్యారేజ్' అనే వర్కింగ్ టైటిల్ తో పిలుస్తున్నారు.
ఈ చిత్రంలో మలయాళం సూపర్ స్టార్ మోహన్ లాల్ కూడా ముఖ్య పాత్రలో నటిస్తున్నారు. అయితే ఈ సినిమాలో తన పాత్రపై మోహన్ లాల్ అసంతృప్తిగా ఉన్నారట. తన పాత్ర సరిగా డిజైన్ చేయలేదని, దీంతో పాటు సినిమాలో సరైన ప్రాధాన్యం లేదని ఫీలయ్యారట. ఆయన కోసం పాత్రలో కొన్ని మార్పులు చేస్తున్నట్లు సమాచారం.
ఈ సినిమాలో మరో ముఖ్యమైన పాత్ర కోసం మలయాళ హీరో ఫహద్ ఫాజిల్ ని తీసుకోనున్నారని సమాచారం. ఆయనో పాటు తెలుగు నటుడు ఉత్తేజ్ కూతురు చేతన కూడా ఈ చిత్రంలో ఓ పాత్రలో కనిపించబోతోందని సమాచారం. త్వరలో సినిమాకు సంబంధించిన పూర్తి వివరాలు వెల్లడి కానున్నాయి.
ఈ మూవీ కోసం హైద్రాబాద్ సారధి స్టూడియోస్ లో భారీ సెట్ వేస్తున్నారు. ఎన్టీఆర్ వర్క్ చేయబోయే జనతా గ్యారేజ్ పేరుగల మెకానిక్ షెడ్ ని దాని చుట్టుపక్కలుండే ప్రాంతాలను సెట్ వేస్తున్నారు. ఇందుకోసం 2 వారాలకు పైగా సమయం పట్టనుందని తెలుస్తోంది. ఆర్ట్ డైరెక్టర్ ఏఎస్ ప్రకాష్ ఇప్పటికే సెట్ నిర్మాణ పనులను దగ్గరుండి పర్యవేక్షిస్తున్నాడు.
ఈ చిత్రానికి సినిమాటోగ్రఫి - తిరు . ఎడిటింగ్ - కోటగిరి వెంకటేశ్వర రావు . ఆర్ట్ - ఎ. ఎస్. ప్రకాష్. సంగీతం - దేవీ శ్రీ ప్రసాద్ నిర్మాతలు - నవీన్ యెర్నేని, వై. రవిశంకర్, మోహన్ కథ - మాటలు - స్క్రీన్ ప్లే - దర్శకత్వం - కొరటాల శివ.