అంధుడిగా మోహన్ లాల్ మరో సంచలన చిత్రం (ఫోటోస్)

మోహ‌న్ లాల్ పట్ల తెలుగు ప్రేక్ష‌కుల‌ ఆసక్తి

జ‌న‌తా గ్యారేజ్, మన్యంపులి చిత్రాల విజ‌యాల‌తో మోహ‌న్ లాల్ తెలుగు ప్రేక్ష‌కుల‌కు బాగా ద‌గ్గ‌ర‌య్యారు. దీంతో క‌నుపాప‌ మూవీ పై టాలీవుడ్ లో మంచి క్రేజ్ ఏర్ప‌డింది. జ‌న‌తా గ్యారేజ్, మన్యంపులి చిత్రాల‌తో వ‌రుసగా స‌క్సెస్ సాధించిన మోహ‌న్ లాల్ క‌నుపాప చిత్రంతో తెలుగులో హ్యాట్రిక్ సాధిస్తార‌నే అంచ‌నాలు ఉన్నాయి. ఓవర్ సీస్ నెట్ వర్క్ ఎంటర్టెన్మెంట్ బి.దిలీప్ కుమార్ తో కలిసి మోహన్ లాల్ ఒప్పం తెలుగు వెర్షన్ క‌నుపాప చిత్రాన్ని రిలీజ్ చేయటానికి సన్నాహాలు చేస్తున్నారు.

సినిమా గురించి మాట్లాడుతూ

ఈ సంద‌ర్భంగా క‌నుపాప మూవీ గురించి మోహ‌న్ లాల్ మాట్లాడుతూ....నిర్మాత దిలీప్ కుమార్ బొలుగోటి ఒప్పం తెలుగు డ‌బ్బింగ్ రైట్స్ ద‌క్కించుకున్నారు. ఈ చిత్రానికి తెలుగులో టైటిల్ క‌నుపాప‌. ఈ చిత్రంలో నేను అంధుడిగా న‌టించాను. ఓవర్ సీస్ నెట్ వర్క్ ఎంటర్ టైన్మెంట్ సంస్థ క్రిస్మ‌స్ కానుక‌గా ఈనెలాఖ‌రున‌ ఈ చిత్రాన్ని రిలీజ్ చేస్తుంది. మ‌ల‌యాళంలో ఒప్పం చిత్రాన్ని ఆద‌రించిన‌ట్టే తెలుగులో క‌నుపాప‌ చిత్రాన్ని ఆద‌రిస్తార‌ని ఆశిస్తున్నాను అన్నారు.

నిర్మాత మాట్లాడుతూ

నిర్మాత దిలీప్ కుమార్ బొలుగోటి మాట్లాడుతూ...ఒప్పం చిత్రాన్ని తెలుగులో డ‌బ్ చేసే అవ‌కాశం నాకు రావ‌డం ఆనందంగా ఉంది. కొత్త నిర్మాత అయిన నాకు డ‌బ్బింగ్ రైట్స్ ఇవ్వ‌డంతో పాటు ఈ మూవీకి మోహ‌న్ లాల్ గారు స‌మ‌ర్ప‌కుడిగా వ్య‌వ‌హరిస్తుండ‌డం చాలా హ్యాపీగా ఫీల‌వుతున్నాను అన్నారు.

రిలీజ్ ఎప్పుడంటే

ఈనెల రెండో వారంలో ఆడియో రిలీజ్ చేసి ఈ నెలాఖ‌రున చిత్రాన్ని గ్రాండ్ గా రిలీజ్ చేసేందుకు ప్లాన్ చేస్తున్నాం. మ‌ల‌యాళంలో కంటే పెద్ద విజ‌యాన్ని తెలుగులో సాధిస్తుంద‌నే నమ్మ‌కం ఉంది అన్నారు నిర్మాత