»   »  క్రికెటర్ ఎం.ఎస్. ధోనీపై సినిమా: హీరోయిన్ ఎవరు?

క్రికెటర్ ఎం.ఎస్. ధోనీపై సినిమా: హీరోయిన్ ఎవరు?

Posted by:
Subscribe to Filmibeat Telugu

హైదరాబాద్: టీమిండియా కెప్టెన్ మహేంద్రసింగ్ ధోని జీవిత కథతో బాలీవుడ్ దర్శకుడు నీరజ్‌ పాండే ఓ చిత్రాన్ని ప్లాన్ చేసిన సంగతి తెలిసిందే. సుశాంత్ సింగ్ రాజ్ పుత్ హీరో. ‘ఎంఎస్ ధోని-ది అన్ టోల్డ్ స్టోరీ' అనేది టైటిల్. ఇప్పటికే ఈ చిత్రానికి సంబంధించిన ఫస్ట్ లుక్ కూడా విడుదలైంది.

మహేంద్రసింగ్ ధోనీ భార్య సాక్షి సింగ్ ఈ పోస్టర్ తన ట్విట్టర్ ద్వారా అప్పట్లో విడుదల చేసింది. పోస్టర్లో సుశాంత్ సింగ్ రాజ్ పుత్ 7వ నెంబర్ గల టీమిండియా జెర్సీ ధరించాడు. 7 నెంబర్ అనేది ధోనీకి చాలా స్పెషల్. ఎందుకంటే ధోనీ పుట్టిన రోజు 7/7/1981.

‘MS Dhoni- The Untold Story' lead actress?

అయితే ఈ చిత్రంలో హీరోయిన్ గా నటించేది ఎవరు? అనేది హాట్ టాపిక్ అయింది. బాలీవుడ్ హీరోయిన్ అలీయా భట్, శ్రద్ధా దాస్, దోయేయ్ హీరోయిన్ క్రితి సనన్ పరేర్లు పరిశీలిస్తున్నట్లు సమాచారం. ఈ చిత్రాన్ని అక్టబర్ 22, 2015 నాటికి విడుదల చేయాలని దర్శకుడు నీరజ్ పాండే ప్లాన్ చేస్తున్నారు.

భారీ బడ్జెట్ తో తెరకెక్కుతున్న ఈ సినిమా త్వరలో ఫ్లోర్ మీదకు వెళ్లనుంది. ఇప్పటికే అన్ని ఏర్పాట్లు పూర్తయ్యాయి. ఇటు సినీ ప్రియులతో పాటు, అటు క్రికెట్ అభిమానులు కూడా ఈ చిత్రంపై ఆసక్తి చూపుతారు కాబట్టి మంచి ఫలితాలు వస్తాయని ఆశిస్తున్నారు. ఇటీవల క్రీడాకారుల జీవితాలపై తీసిన....‘భాగ్ మిల్ఖా భాగ్', ‘మేరీ కోమ్' లాంటి చిత్రాలకు మంచి ఆదరణ లభించింది. దేశంలో క్రికెట్ ను అభిమానించే వారి సంఖ్యే ఎక్కువ కాబట్టి ఈ చిత్రానికి భారీ స్పందన వస్తుందని ఆశిస్తున్నారు.

English summary
A film is under construction of ace Indian cricketer Mahendra Singh Dhoni. According to our reports top actresses Alia Bhatt, Shraddha Kapoor and Kriti Sanon are queuing for the role to play as the M. S .Dhoni wife.
Please Wait while comments are loading...