»   » మురుగదాస్-దిల్ రాజు కాంబినేషన్లో సినిమా!

మురుగదాస్-దిల్ రాజు కాంబినేషన్లో సినిమా!

Posted by:
Subscribe to Filmibeat Telugu

హైదరాబాద్: ప్రముఖ ఫిల్మ్ మేకర్ మురుగదాస్ త్వరలో తెలుగు స్టార్ ప్రొడ్యూసర్ దిల్ రాజుతో చేతులు కలపబోతున్నారు. ప్రస్తుతం హిందీలో సోనాక్షి సిన్హా ప్రధాన పాత్రలో ‘అకీరా' సినిమాను తెరకెక్కిస్తూ బిజీగా గడుపుతున్న మురుగదాస్ ఈ సినిమా పూర్తయిన వెంటనే ఓ తెలుగు సినిమా చేయబోతున్నారు.

దిల్ రాజు, మురుగదాస్ కలిసి ఈ సినిమాను ప్రొడ్యూసర్ చేయబోతున్నట్లు సమాచారం. ‘పండగ చేస్కో' సినిమా దర్శకుడు గోపీచంద్ మలినేని ఈ చిత్రానికి దర్శకత్వం వహించబోతున్నారు. ఇటీవల ఈ ముగ్గురూ కలిసి త్వరలో చేయబోయే ప్రాజెక్టు గురించి చర్చించినట్లు సమాచారం.

Murugadoss To Join Hands With Dil Raju

గత వారం ఈ ముగ్గురు కలిసి తాము చేయబోయే సినిమా గురించి చర్చించినట్లు, ముగ్గురూ తాము అనుకున్న ప్రాజెక్టుపై పాజిటివ్ గా ఉన్నట్లు సమాచారం. ప్రముఖ తెలుగు హీరోతో సినిమా చేయబోతున్నారు. అయితే ఎవరితో చేస్తున్నారనే విషయం ఇంకా బయటకు రాలేదు.

ఈ సినిమాకు నిర్మాతగా వ్యవహరించడంతో పాటు స్టోరీ కూడా అందించబోతున్నారు మురుగదాస్. తమిళంలో మురుగదాస్ నిర్మాతగా, తెలుగు వెర్షన్ బాధ్యతను దిల్ రాజు లీడ్ చేయబోతున్నారు. ఇది పూర్తిగా ఫ్రెష్ స్క్రిప్టుతో తెరకెక్కిస్తున్నారని, గతంలో వచ్చిన ఏ సినిమాకు ఇది రీమేక్ కాదని తెలుస్తోంది. తన తర్వాతి సినిమాను దిల్ రాజు నిర్మించబోతున్నారని, త్వరలో పూర్తి వివరాలు తెలియజేస్తానని గోపీచంద్ మలినేని గతవారం తన ట్విట్టర్ పేజీ ద్వారా వెల్లడించారు.

English summary
"Murugadoss, Gopichand and producer Dil Raju met last week and discussed about collaborating soon. The initial talks have been positive. They're planning to rope in a leading Telugu film actor," a source privy to the development told IANS.
Please Wait while comments are loading...