Don't Miss!
- News ఏప్రిల్ 1న రూ.2000 నోట్ల డిపాజిట్, ఎక్స్ఛేంజ్ -ఆర్బీఐ కీలక ప్రకటన..!
- Sports RCB vs KKR: వేరీజ్ మ్యాడ్ మ్యాక్సీ: ఆర్సీబీలో గందరగోళం
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
దత్తత నిర్ణయం: మహేష్ బాబుకు కొత్త తలనొప్పులు!
హైదరాబాద్: మహేష్ బాబు నటించిన ‘శ్రీమంతుడు' మూవీ బాక్సాఫీసు వద్ద మంచి విజయం సాధించడంతో పాటు.... ఊరికి ఏదైనా మంచి చేయాలనే కాన్సెప్టు ఎంతో మందిలో మార్పు తెచ్చింది. సినిమా చూసిన తర్వాత పలువురు తమ ఊరికి ఏదైనా మంచి చేయాలని ముందుకొచ్చారు. ఈ మధ్య కాలంలో జనాల్లో ఒక మంచి ఆలోచనకు బీజం వేయడంతో పాటు ఆచరణలో పెట్టేలా ప్రభావం చూపిన సినిమా ‘శ్రీమంతుడు' మాత్రమే.
కేవలం సినిమాలో అలాంటి కాన్సెప్టు చూపడమే కాదు....మహేష్ బాబు ఇటీవలే తన తండ్రి కృష్ణ పుట్టిన ఊరైన బుర్రిపాలెంను దత్తత తీసుకున్నారు. దీంతో పాటు తెలంగాణలో కూడా మహబూబ్ నగర్ జిల్లాలోని చింతలకుంట గ్రామాన్ని కూడా దత్తత తీసుకునేందుకు సిద్ధమయ్యారు.
అయితే తాజాగా మహేష్ బాబుకు కొత్త తలనొప్పితయారైంది. ఖమ్మం జిల్లాలోని ముసలిమడుగు గ్రామానికి చెందిన వారు మహేష్ బాబు తమను పట్టించుకోవడం లేదని ఆవేదన చెందుతున్నారు. ఈ గ్రామానికి, మహేష్ బాబుకు సంబంధం ఉంది కాబట్టే వారు మహేష్ బాబును సహాయం కోరుతున్నారు.
మహేష్ బాబు తల్లి ఇంద్రాదేవి పుట్టింది ఈ ఊరిలోనే. ఆమె నవసించిన ఇల్లు కూడా ఇక్కడ ఉంది. ప్రస్తుతం ఆ ఇల్లు శిథిలావస్థలో ఉంది. ఆమె కుటుంబం ఇక్కడ నివసించినపుడు పేదవారికి సహాయం చేసే వారట. ప్రస్తుతం ఆ ఊరు సౌకర్యాల లేమితో కొట్టుమిట్టాడుతోంది. తమ గ్రామానికి మంచినీరు, పాఠశాలలు కట్టించమని ఇటీవలే మహేష్ బాబు ఫ్యామిలీ దృష్టికి తీసుకెళ్లినట్లు సమాచారం. మరి ముసలిమడుగు గ్రామస్థుల విజ్ఞప్తిపై మహేష్ బాబు ఎలా స్పందిస్తారో చూడాలి!