హోమ్

న్యూస్

హైదరాబాద్ నాగచైతన్య హీరోగా నటించిన చిత్రం 'ప్రేమమ్‌'. చందు మొండేటి దర్శకుడు. శ్రుతిహాసన్‌, మడోనా సెబాస్టియన్‌, అనుపమ పరమేశ్వరన్‌ హీరోయిన్స్. సూర్యదేవర నాగవంశీ నిర్మాత. గోపీసుందర్‌, రాజేష్‌ మురుగేశన్‌ సంగీతం అందించిన ఈ చిత్రంలోని పాటలని నిన్న రాత్రి హైదరాబాద్‌లో విడుదల చేశారు. ఈ సందర్బంగా ఈ చిత్రం ట్రైలర్ ని విడుదల చేసారు. ఆ ట్రైలర్ ని మీరు ఇక్కడ చూడవచ్చు. ఎలా ఉందో కామెంట్స్ ని మీరు ఈ క్రింద కామెంట్స్ కాలంలో రాయండి.

అఖిల్‌ చెబుతూ ''ట్రైలర్‌ చూస్తుంటే.. ప్రపంచంలో స్వచ్ఛమైన ప్రేమికుడు మా అన్నయ్యే అనాలనిపిస్తుంది. ప్రేమకథల్లో తనతో పోటీ పడలేను. తనని ఫాలో అయిపోతానంతే. చందూ తొలి సినిమా 'కార్తికేయ' చూసినప్పుడు కాస్త భయం వేసింది. ఇప్పుడు ఈ సినిమాని చాలా బాగా తీశాడు''అన్నారు.

''ఈ సినిమా నాకు చాలా ప్రత్యేకం. నాపై నమ్మకంతో ఈ పాత్ర ఇచ్చినందుకు కృతజ్ఞతలు. సంగీతం చాలా బాగుంది. చైతూ నాకు మంచి స్నేహితుడు'' అంది శ్రుతిహాసన్‌.

నాగచైతన్య మాట్లాడుతూ ''చందూని రీమేక్‌ చేయమని అడగడం తప్పు. ఎందుకంటే తనలో క్రియేటివిటీ లెవల్స్‌ వేరేలా ఉన్నాయి. తన సొంత కథతో ఓ మరో మంచి సినిమా తీయాలనుంది. చాలా నమ్మకంగా చెబుతున్నా. మనమంతా గర్వంగా చెప్పుకొనే సినిమా ఇది'' అన్నారు.

చందూ మొండేటి మాట్లాడుతూ- ''ఈ చిత్రానికి 'లవ్‌స్టోరీస్ ఎండ్... ఫీలింగ్స్ డోన్ట్...' అనేది ఉపశీర్షిక. నాగచైతన్య పాత్ర ఇందులో మూడు వైవిధ్యమైన పార్శ్వాలతో సాగుతూ ఆసక్తి కలిగిస్తుంది. శ్రుతీహాసన్, అనుపమా పరమేశ్వరన్, మడొన్నా సెబాస్టియన్ లు ఈ చిత్రంలో కథానాయికలుగా బాగా సూట్ అయ్యారు. ఇక్కడి నేటివిటీకి తగ్గట్టుగా మార్పులు చేశాం'' అని తెలిపారు. ఈ చిత్రానికి ఛాయాగ్రహణం: కార్తీక్ ఘట్టమనేని, సంగీతం: గోపీసుందర్, రాజేశ్ మురుగేశన్, సమర్పణ: పీడీవీ ప్రసాద్.