నాగ చైతన్య న్యూ మూవీ షురూ, రాజమౌళి ఫ్యామిలీకి ఏమిటి సంబంధం? (ఫోటోస్)

ప్రారంభోత్సవం

ముహూర్తపు సన్నివేశానికి రచయిత, దర్శకుడు గణ్ణం గంగరాజు క్లాప్ కొట్టి సినిమాను ప్రారంభించారు. సురేష్ బాబు, దేవినేని ప్రసాద్ చేతుల మీదుగా దర్శకుడు కృష్ణ ఆర్.వి మరిముత్తు స్క్రిప్టు అందుకున్నారు.

నటీనటులు

ఈ చిత్రంలో నాగ చైతన్య సరసన లావణ్య త్రిపాటి హీరోయిన్ గా నటిస్తోంది. శ్రీకాంత్, రావు రమేష్ ముఖ్య పాత్రల్లో నటిస్తున్నారు. ఇతర నటీనటుల వివరాలు త్వరలో ప్రకటించనున్నారు.

రాజమౌళి తనయుడు

దర్శకుడు రాజమౌళి తన కుమారుడు కార్తికేయను సినీ నిర్మాణ రంగంలోకి దింపారు. ఈ చిత్రానికి కార్తికేయ లైన్ ప్రొడ్యూసర్ గా పని చేస్తున్నారు. కొంత అనుభవం వచ్చిన తర్వాత కార్తికేయ స్వయంగా సినిమాలు నిర్మించేందుకు ప్లాన్ చేసుకుంటున్నట్లు స్పష్టమవుతోంది.

అతిథులు

ఇంకా టైటిల్ ఖరారు కాని ఈ సినిమా ప్రారంభోత్సవ కార్యక్రమానికి అతిథులుగా సురేష్ బాబు, రాజమౌళి, కీరవాణి, విజయేంద్ర ప్రసాద్, శ్రీకాంత్, గుణ్ణం గంగరాజు, దేవినేని ప్రసాద్, అవసరాల శ్రీనివాస్ హాజరయ్యారు.

తెర వెనక

లైన్ ప్రొడ్యూసర్: కార్తికేయ, స్టోరీ : డేవిడ్ ఆర్ నాథన్, మాటలు: అబ్బూరి రవి, స్క్రీన్ ప్లే: డేవిడ్ ఆర్ నాథన్, అబ్బూరి రవి, ఆర్ట్: రామకృష్ణ, కెమెరా: నికేత్ బొమ్మి, సంగీతం: వివేక్ సాగర్, నిర్మాత: రజని కొర్రపాటి, దర్శకత్వం: కృష్ణ ఆర్.వి మరిముత్తు.