Don't Miss!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Finance Iran-Israel War: స్టాక్ మార్కెట్లపై ఇరాన్-ఇజ్రాయెల్ వార్ ప్రభావం ఇదే..!! జాగ్రత్త..
- News కాంగ్రెస్లో బీఆర్ఎస్ ఎమ్మెల్యే: రేవంత్తో భేటీ: గ్రేటర్ హైదరాబాద్లో భారీ షాక్
- Lifestyle డిఫరెంట్ స్టైల్ లో నోనూరించే మటన్ రోస్ట్
- Technology ఆంధ్రప్రదేశ్ లో 7.9 మిలియన్ల 5G యూజర్ లతో, Airtel మరో రికార్డు! 5G విస్తరణ వివరాలు
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- Sports వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్
ప్రీక్వెల్ ప్లానింగ్ లో నాగార్జున
హైదరాబాద్ : ఒక సినిమా ఘన విజయం సాధిస్తే దాని కొనసాగింపుగా సీక్వెల్ తీయటం ఆనవాయితీ. హాలీవుడ్ లో అయితే ఆ కథకు ముందు ఏం జరిగిందనే ప్రీక్వెల్స్ కూడా ప్లాన్ చేస్తూంటారు. ఒక్కోసారి అవీ హిట్టై డబ్బు చేసుకుంటాయి. ఇప్పుడు నాగార్జున అలాంటి ప్రయోగమే చేయబోతున్నట్లు సమాచారం.
ఈ సంక్రాంతికి ‘సోగ్గాడు..'గా వచ్చి హిట్ కొట్టిన నాగార్జున ఉషారుగా ఉన్నారు. ఆ చిత్రంలో బంగార్రాజుగా నాగార్జున నటన, స్టైల్... ఫ్యాన్స్ కు పిచ్చెక్కించేసాయి. దాదాపు రూ.40 కోట్ల వసూలు సాధించి నాగార్జున కెరీర్లోనే బెస్ట్ ఫిలింగా నిలిచింది.
దాంతో ‘సోగ్గాడే చిన్నినాయన' కథకు సీక్వెల్ ప్లాన్ చేయాలని నాగార్జున అనుకున్నారు. అది దర్శకుడుతో చర్చిస్తే...సీక్వెల్ కన్నా ప్రీ క్వెల్ అయితే వర్కువుట్ అవుతుందని సలహా ఇచ్చాడట. దాంతో ప్రొసీడ్ అని నాగార్జనన గ్రీన్ సిగ్నల్ ఇచ్చాడని తెలుస్తోంది. దాంతో వెంటనే ఇప్పుడు ‘బంగార్రాజు' టైటిల్ని ఫిల్మ్ఛాంబర్లో నమోదు చేయించారని సమాచారం.
ప్రీక్వెల్ లో ఏముంటుంది...
‘సోగ్గాడే...' కథలో బంగార్రాజు, రాము పాత్రల్లో కనిపించారు నాగ్. బంగార్రాజు మరణించిన తరవాత ఆత్మ రూపంలో భూమ్మీదకు వచ్చిన తరవాత ఏం జరిగింది? అనే విషయాన్ని చూపించారు. దానికి ముందు జరిగిన కథేంటి? అన్నది ‘బంగార్రాజు'లో అంటే సోగ్గాడు ప్రీక్వెల్ లో చూడొచ్చని తెలుస్తోంది. ఈ చిత్రానికీ కల్యాణ్ కృష్ణ దర్శకత్వం వహించే అవకాశాలున్నాయి. అన్నపూర్ణ బ్యానరై చిత్రం నిర్మిస్తారు.