Don't Miss!
- News టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Finance ITC: ఐటీసీ ఇన్వెస్టర్లకు శుభవార్త.. !
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
హీరో నాని రెమ్యూనరేషన్ పెంచాడు!
హైదరాబాద్: ఆ మద్య వరుస ప్లాపులతో సతమతం అయిన హీరో నాని ‘భలే భలే మగాడివోయ్' సినిమాతో మళ్లీ హిట్ టాక్ ఎక్కాడు. ఈ సినిమా ఇండియాతో పాటు ఓవర్సీస్ లో కూడా మంచి వసూళ్లు సాధించిందది. ఆ సినిమా తర్వాత నానికి డిమాండ్ బాగా పెరిగింది. దీంతో ఈ ప్రభావం ఆటోమేటిక్ గా అతని రెమ్యూనరేషన్ మీద కూడా పడింది.
తాజాగా అందుతున్న సమాచారం ప్రకారం నాని ఇపుడు ఒక్కో సినిమాకు రూ. 4 కోట్ల వరకు చార్జ్ చేస్తున్నట్లు తెలుస్తోంది. అతని సినిమాలను ప్యామిలీ ఆడియన్స్, ఓవర్సీస్ ఆడియన్స్ బాగా ఆధరిస్తుండటంతో నిర్మాతలు కూడా అతనికి అంత మొత్తం ఇవ్వడానికి సిద్ధమవుతున్నారు.
ప్రస్తుతం నాని ‘జై బాలయ్య' అనే సినిమాలో నటిస్తున్నాడు. ‘అందాల రాక్షసి' ఫేమ్ హను రాఘవపూడి డైరెక్షన్లో ఈ సినిమా తెరకెక్కుతోంది. ఇందులో నాని బాలయ్య అభిమాన సంఘం అధ్యక్షుడిగా నటించబోతున్నాడు. సినిమాలో ఆయన చేతిపై ‘జై బాలయ్య' అనే టాటూతో కనిపిస్తారు.
వాస్తవానికి ‘జై బాలయ్య' మూవీ స్టోరీ బేసికల్ గా ఓ లవ్ స్టోరీ. అయితే హీరో బాలయ్య వీరాభిమాని. లవ్ స్టోరీతో ఈ టైటిల్ కు ఏ విధంగా న్యాయం చేస్తారో సినిమా చూస్తేగానీ చెప్పడం కష్టమే. బాలయ్యతో ‘లెజెండ్' లాంటి బ్లాక్ బస్టర్ తీసిన 14 రీల్స్ వాళ్లు ఈ సినిమాను నిర్మిస్తున్నారు.
నిర్మాతలు రామ్ ఆచంట - గోపి ఆచంట - అనిల్ సుంకర సంయుక్తంగా నిర్మిస్తున్నారు. ప్రస్తుతం ఈ చిత్ర షూటింగ్ చివరి దశకు చేరకుంది. విశాల్ చంద్రశేఖర్ సంగీతం అందిస్తున్నారు. ఈ సినిమాలో నాని అనంతపూర్ నందమూరి బాలకృష్ణ ఫ్యాన్స్ అసోసియేషన్ ప్రెసిడెంట్ పాత్రలో కనిపించనున్నాడు.. అందువల్ల ఈ చిత్రానికి ‘జై బాలయ్య' అనే టైటిల్ ను చిత్ర యూనిట్ పరిశీలిస్తున్నారు.