హోమ్

న్యూస్

హైదరాబాద్: బాణం, సోలో, ప్రతినిధి, రౌడీఫెలో వంటి డిఫరెంట్ మూవీస్ తర్వాత అసుర వంటి రీసెంట్ హిట్ అందుకున్న యంగ్ హీరో నారా రోహిత్ మరో నూతన చిత్రానికి శ్రీకారం చుట్టారు. సావిత్రి అనే టైటిల్ తో రూపొందనున్న ఈ చిత్రానికి ప్రేమ ఇష్క్ కాదల్ వంటి ప్రేమకథాచిత్రంతో సక్సెస్ సాధించిన పవన్ సాధినేని దర్శకత్వం వహిస్తున్నారు. విజన్ ఫిలిం మేకర్స్ బ్యానర్ పై బి.రాజేంద్రప్రసాద్ ఈ చిత్రాన్ని నిర్మిస్తున్నారు.

కార్తీక్ ఘట్టమనేని సినిమాటోగ్రఫీ అందిస్తుండగా, శ్రవణ్ సంగీతం సమకూరుస్తున్నారు. ఈ నూతన చిత్ర ప్రారంభోత్సవ కార్యక్రమం శనివారం హైదరాబాద్ లో జరిగింది. ఈ కార్యక్రమంలో నారారోహిత్, శ్రీవిష్ణు, బెక్కం వేణుగోపాల్, దర్శకుడు పవన్ సాధినేని తదితరులు పాల్గొన్నారు. లవ్ అండ్ ఫ్యామిలీ ఎంటర్ టైనర్ రూపొందుతోన్న ఈ చిత్రంలో నారా రోహిత్ రోల్ హైలైట్ గా నిలుస్తుందని దర్శక, నిర్మాతలు అన్నారు. హీరోయిన్ సహా మిగతా ఆర్టిస్టులు, టెక్నిషియన్స్ వివరాలను త్వరలోనే తెలియజేస్తామన్నారు.