» 

నారా రోహిత్ కొత్త చిత్రం టైటిల్ 'శంకర'

Posted by:
 

హైదరాబాద్ : భీమిలీ కబడ్డి జట్టు దర్శకుడు తాతినేని సత్య దర్శకత్వంలో నారా రోహిత్ ఓ చిత్రం చేస్తున్న సంగతి తెలిసిందే. ఈ సినిమాకి 'శంకర' అనే పేరుని ఖరారు చేశారు. ఆర్‌.వి.చంద్రమౌళి ప్రసాద్‌ (కిన్ను) నిర్మాత. కె.ఎస్‌.రామారావు సమర్పకులు. శ్రీలీలా మూవీస్‌ సంస్థ ఈ చిత్రాన్ని నిర్మిస్తోంది. రెజీనా హీరోయిన్. ఈ చిత్రానికి సంబంధించిన ఫస్ట్‌లుక్‌ని గురువారం విడుదల చేశారు.


దర్శకుడు తాతినేని సత్యప్రకాష్‌ మాట్లాడుతూ ''ఉత్కంఠను కలిగించే ప్రేమ కథతో దీన్ని తీర్చిదిద్దుతున్నాం. ఇందులో పైట్స్ ఆసక్తికరంగా ఉంటాయి. కథకు తగ్గ పేరు కావడంతో 'శంకర' అని నిర్ణయించాం. అటు యువతనీ, ఇటు మాస్‌నీ సమంగా అలరిస్తుంది''అన్నారు.

చిత్ర నిర్మాత మాట్లాడుతూ ''నారా రోహిత్‌ నటన అందరికీ నచ్చుతుంది. ఈ నెల 22 నుంచి పాటల్ని చిత్రీకరిస్తాం. వచ్చే నెల మొదటి వారంలో గీతాల్ని, చివరి వారంలో చిత్రాన్ని విడుదల చేస్తా ము''అన్నారు. ఆహుతిప్రసాద్‌, జాన్‌ విజయ్‌, రాజీవ్‌ కనకాల, చిన్నా, రాఖీ, సత్యకృష్ణన్‌ తదితరులు కీలక పాత్రల్లో నటించారు. కళ: సాహి సురేష్‌, సంగీతం: సాయికార్తీక్‌, ఛాయాగ్రహణం: సురేందర్‌రెడ్డి.

అలాగే... నారా రోహిత్ హీరోగా 'మద్రాసి' అనే చిత్రం కూడా రూపొందుతోంది. వల్లభనేని రోశయ్య సమర్పణలో వెంకటసూర్యతేజ ప్రొడక్షన్స్ పతాకంపై 'ప్రస్థానం' నిర్మాత రవి వల్లభనేని ఈ చిత్రాన్ని నిర్మిస్తున్నారు. ఈ చిత్రం ద్వారా విజయ్ లింగమనేనిని దర్శకునిగా పరిచయం అవుతున్నారు.

Topics: nara rohit, madrasi, solo, regina, నారా రోహిత్, మద్రాసి, సోలో, ఒక్కడినే, తాతినేని సత్య
English summary
Nara Rohith and Regina are acting together in a romantic thriller. The film has been titled Shankara. First look posters are released to the media today. Senior producer K S Ramarao is presenting the film. John Vijay is being introduced as villain in the film that is being directed by Tatineni Satyaprakash.

Telugu Photos

Go to : More Photos