Don't Miss!
- News ys jagan stone attack case: జగన్ పై దాడి కేసు-బోండా ఉమకు బిగుస్తున్న ఉచ్చు?
- Sports GT vs DC: వార్నర్పై వేటు..కుర్రాడికి అవకాశం- పంత్
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
- Lifestyle కొత్తగా పెళ్ళైన జంటలు ఈ విషయాలు తప్పనిసరిగా తెలుసుకోవాలి. మీ లైఫ్ సేవ్ చేస్తుంది
బాహుబలి : జూ ఎన్టీఆర్ విషయంలో ఓ క్లారిటీ వచ్చింది!
హైదరాబాద్: రాజమౌళి దర్శకత్వంలో తెరకెక్కిన 'బాహుబలి' తెలుగు సినిమా పరిశ్రమ గర్వపడే సినిమాగా నిలిచింది. గతేడాది విడుదలైన తొలి భాగం 'బాహుబలి-దిబిగినింగ్' చూసిన వారంతా ఆశ్చర్యపోయారు. అందుకు కారణం హాలీవుడ్ స్థాయిలో ఒక తెలుగు సినిమా రావడం ఇదే తొలిసారి. తెలుగునాట మాత్రమే కాదు...ఇండియా వ్యాప్తంగా బాహుబలి బాక్సాఫీసు వద్ద కలెక్షన్ల వర్షం కురిపించింది. జాతీయ అవార్డు కూడా రావడంతో గొప్ప సినిమాల లిస్టులో చేరిపోయింది బాహుబలి.
ఇలాంటి గొప్ప సినిమాలో తాము భాగమైతే బావుండు... అని అనుకున్న స్టార్స్ ఎందరో ఉన్నారు. కొందరైతే బహిరంగంగానే తమకు కనీసం బాహుబలి-2లో అయినా అవకాశం ఇవ్వాలని కోరారు. ఇలాంటి తరుణంలో 'బాహుబలి-2'లో జూ ఎన్టీఆర్ కూడా నటిస్తున్నాడనే వార్త ఇండస్ట్రీలో హాట్ టాపిక్ అయింది.
పైగా రాజమౌళి, ఎన్టీఆర్ చాలా క్లోజ్. దీంతో బాహుబలి-2లో ఎన్టీఆర్ నటిస్తున్నాడనే విషయం నిజమే అనుకున్నారు. తాజాగా ఈ విషయంలో ఓ క్లారిటీ వచ్చింది. ఎన్టీఆర్ ఈ చిత్రంలో నటించడం లేదని తేలిపోయింది. అసలు రాజమౌళి, ఎన్టీఆర్ మధ్య అటువంటి ప్రపోజల్ ఏమీ రాలేదని వారి సన్నిహితులు అంటున్నారు.
'బాహుబలి-2' ప్రస్తుతం జరుగడం లేదు. నెలరోజులు సినిమా షూటింగుకు బ్రేక్ ఇచ్చిన విషయం తెలిసిందే. సెట్స్కు సంబంధించిన పనులు, ట్రైనింగ్ సెషన్స్ ఉండటంతో షూటింగుకు బ్రేక్ ఇవ్వాల్సి వచ్చిందని నిర్మాత తెలిపారు.
మళ్లీ జూన్ నెలలో సినిమా షూటింగ్ ప్రారంభం కానుంది. ఈ ఏడాదే సినిమా షూటింగ్ పూర్తి చేసి... వచ్చే ఏడాది సమ్మర్ వరకు సినిమాను రిలీజ్ చేసేందుకు ప్లాన్ చేస్తున్నారు. బహుబలి తొలి భాగానికి వచ్చిన రెస్పాన్స్ దృష్ట్యా రెండో భాగాన్ని మరింత ప్రతిష్టాత్మకంగా, ఎలాంటి లోపాలు లేకుండా తెరకెక్కిస్తున్నారు.