హోమ్

న్యూస్

హైదరాబాద్‌ : "నీకు ఇగో లోపలే ఉంటుందేమో...నాకు వైఫై లాగ చుట్టు ఉంటుంది ", అంటున్నాడు ఎన్టీఆర్. ఈ ఇగో ఇప్పుడు ఎన్టీఆర్ అభిమానులను బాగా అలరిస్తోంది. ఈ డైలాగు ని ఎన్టీఆర్ తాజా చిత్రం టెంపర్ ట్రైలర్ లో వదిలారు. ప్రకాష్ రాజ్ తో ఈ డైలాగుని ఎన్టీఆర్ చెప్తాడు.

జూనియర్‌ ఎన్టీఆర్‌, కాజల్‌ అగర్వాల్‌ జంటగా నటిస్తున్న చిత్రం 'టెంపర్‌'. పూరీ జగన్నాథ్‌ దర్శకత్వంతో రూపుదిద్దుకుంటున్న ఈ చిత్రానికి బండ్ల గణేశ్‌ నిర్మాత. అనూప్‌రూబెన్స్‌ సంగీతాన్ని అందించారు. వచ్చే నేల ఈ చిత్రం ప్రేక్షకుల ముందుకు రానుంది. ఈ చిత్రం ట్రైలర్ వీడియోను విడుదల చేసారు. ఈ వీడియోను ఇక్కడ వీక్షించండి.

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

ఈ చిత్రంపై పూరిజగన్‌ మార్క్‌ కనిపిస్తుందనడంలో ఎటువంటి అతిశయోక్తి లేదు. పూరి మార్క్‌కి ఎన్టీఆర్‌ డైలాగులు తోడయితే ఎలా ఉంటుందో చూపించేదే ఈచిత్రం. ఫుల్‌లెంగ్త్‌ కమర్షియల్‌, మాస్‌ ఎంటర్‌టైనర్‌గా రూపొందుతున్న ఈ చిత్రంలో ఎన్టీఆర్‌ సరసన ముద్దుగుమ్మ కాజల్‌ నటిస్తుంది. బండ్ల గణేష్‌ నిర్మిస్తున్న ఈ చిత్రాన్ని ఫిబ్రవరి మొదటివారంలో విడుదల చేయడానికి సన్నాహాలు చేస్తున్నారు. పూరిజగన్నాథ్‌, ఎన్టీఆర్‌ కాంబోలో రాబోతున్న ఈ సినిమాపై అభిమానులు భారీ ఎత్తున ఆశలు పెట్టుకున్నారు.

మరో ప్రక్క ఓ ప్రముఖ చానల్ ఈ చిత్రం శాటిలైట్ రైట్స్ ని దక్కించుకుందని తెలుస్తోంది. 7.7 కోట్లకు ఈ చిత్రం శాటిలైట్ రైట్స్ ని ఆ చానల్ దక్కించుకుందట. ఇది భారీ ఆఫర్. ఎన్టీఆర్ గత చిత్రాలతో పోల్చితే 'టెంపర్' భారీ శాటిలైట్ ఆఫర్ ని దక్కించుకుంది. సినిమాపై నెలకొన్న అంచనాలే ఈ రేంజ్ శాటిలైట్ ఆఫర్ రావడానికి కారణమని పరిశీలకులు అంటున్నారు.