ఒక మనసు... (కొణిదెల నిహారిక-నాగ శౌర్య రొమాంటిక్ ఫోటోస్)

By Bojja Kumar

| Updated: Wednesday, May 11, 2016, 12:07 [IST]

హైదరాబాద్: నాగబాబు కూతురు నిహారిక త్వరలో హీరోయిన్ పరిచయం కాబోతున్న సంగతి తెలిసిందే. మల్లెలతీరంలో సిరిమల్లె పువ్వు' వంటి ప్రేమకథా చిత్రాన్ని అందించిన రామరాజు ఈ చిత్రానికి దర్శకుడు. 'ఒక మనసు' అనే టైటిల్ తో తెరకెక్కుతున్న ఈ చిత్రంలో నాగ శౌర్య హీరో. మధుర శ్రీధర్ ఈ చిత్రాన్ని నిర్మిస్తున్నారు.

ఈ సినిమాకు సంబంధించిన ఫస్ట్ లుక్ శివరాత్రి సందర్భంగా రిలీజ్ చేసారు. ఫస్ట్ లుక్ కి మంచి స్పందన వచ్చింది. త్వరలో ఆడియో విడుదల చేసి సినిమా రిలీజ్ చేసేందుకు నిర్మాతలు ప్లాన్ చేస్తున్నారు.

పెళ్లిపై నాగబాబు కూతురు నిర్ణయం సూపర్

వాస్తవానికి ఇప్పటికే ఈ చిత్రానికి సంబంధించిన ఆడియో రిలీజ్ పూర్తవ్వాల్సి ఉండగా.... చిరంజీవి కోసం వాయిదా వేసారు. మెగా ఫ్యామిలీకి చెందిన తొలి హీరోయిన్ కాబట్టి చిరంజీవి చేతుల మీదుగా ఆడియో రిలీజ్ చేస్తే బావుంటుందనే ఉద్దేశ్యంతో వెయిట్ చేసారు.

చిరంజీవి డేట్స్ దొరకడంతో ఈ నెల 18 ఆడియో రిలీజ్ చేసేందుకు ప్లాన్ చేస్తున్నారు. ఈ మేరకు నిహారిక అఫీషియల్ గా ఈ విషయాన్ని ఖరారు చేస్తూ తన సోషల్ మీడియా ద్వారా ఆడియో రిలీజ్ పోస్టర్ రిలీజ్ చేసింది.

ఈ చిత్రం హెల్తీ ఎంటర్టెన్మెంట్ సబ్జెక్టుతో ఫీల్ గుడ్ గా ఈ సినిమా ఉంటుందని, మెగా ఫ్యామిలీ ఇమేజ్ ఏమాత్రం డ్యామేజ్ కాకుండా, నటిగా నిహారికకు మంచి గుర్తింపు తెచ్చే విధంగా ఉంటుందని అంటున్నారు. మధుర శ్రీధర్, టీవీ 9 సంయుక్తంగా ఈ సినిమాను నిర్మిస్తున్నారు. ఎక్కువ భాగం షూటింగ్ వైజాగ్ లో జరిగింది. ఈ చిత్రానికి సునీల్ కశ్యప్ సంగీతం అందించనున్నారు.

నిహారిక నటన పరంగా ఫర్వాలేదని ఇప్పటికే 'ముద్దపప్పు ఆవకాయ్' అనే వెబ్ సిరీస్ ద్వారా నిరూపించుకుంది. ఇందులో ఆమె కాస్త అల్లరి పిల్లలా కనిపించినా.... ఈ సినిమాలో మాత్రం చాలా డీసెంట్ రోల్ చేస్తోంది. తాజాగా ఈచిత్రానికి సంబంధించిన ఫోటోలు కూడా రిలీజ్ చేసారు. ఈ ఫోటోలు చూస్తుంటే సినిమాలో నాగ శౌర్య-నిహారిక మధ్య వచ్చే సన్నివేశాలు రొమాంటిక్ గా ఉంటాయని స్పష్టమవుతోంది.