నారా రోహిత్ ‘పండగలా వచ్చాడు’ (ఫస్ట్ లుక్)

By Bojja Kumar

| Published: Wednesday, January 14, 2015, 15:23 [IST]

హైదరాబాద్: నారా రోహిత్‌ నటించిన ‘పండుగలా వచ్చాడు' సినిమా ట్రైలర్‌ను సీఎం నారా చంద్రబాబు బుధవారం విడుదల చేశారు. ఈ కార్యక్రమంలో నారా కుటుంబం మొత్తం పాల్గొన్నారు. ఈ సందర్భంగా బాబు మాట్లాడుతూ సంక్రాంతి పండుగ రోజున స్వగ్రామంలో చిత్ర ట్రైలర్‌ను విడుదల చేయడం ఎంతో సంతోషంగా ఉందన్నారు. నారా రోహిత్‌ నటించిన ఈ చిత్రం విజయం సాధించాలని కోరుకున్నారు.

నారా రోహిత్‌ సరసన ‘యాక్షన్‌ 3డి' ఫేం నీలం ఉపాధ్యాయ హీరోయిన్‌గా నటిస్తుంది. ఈ సినిమాతో నారా రోహిత్‌ మరో కొత్త దర్శకుడికి అవకాశం కల్పించారు. ఈ చిత్రంతో దర్శకుడిగా కార్తీకేయ ప్రసాద్‌ పరిచయమవుతున్నాడు. పర్ఫెక్ట్ కమర్షియల్ ఎంటర్టైనర్ గా ఈ సినిమా ఉంటుందని ఈ చిత్ర టీం అంటోంది.