Don't Miss!
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వెరైటీగా పవన్ అభిమానుల గణేష్ మండపం!(ఫోటో)
హైదరాబాద్: గణేష్ నవరాత్రోత్సవాలను పురస్కరించుకుని పవర్ స్టార్ పవన్ కళ్యాణ్ అభిమానులు తమదైన రీతిలో విఘేశ్వరుడిని ప్రతిష్టించారు. ఓ వైపు గణపతి బప్పాపై భక్తిని చాటుకుంటూనే...మరో వైపు పవన్ కళ్యాన్పై అభిమానాన్ని కూడా చాటు కుంటూ వెరైటీగా గణేష్ మండపాన్ని ఏర్పాటు చేసారు.
ఫేస్ బుక్ పేజీని తలపించేలా గణేష్ మండపాన్ని డిజైన్ చేసారు. అందులో పవన్ కళ్యాణ్ ఫోటోతో పాటు అభిమానుల ఫోటోలు కూడా చేర్చారు. ఈ మండపం ఇప్పుడు చూపరులను ఆకట్టుకుంటోంది. ఈ మండపాన్ని చూసిన కొందరు భక్తి దేవుడిపైనా? పవన్ కళ్యాణ్ పైనా? అని ప్రశ్నిస్తున్నారు. 'చిత్తం గణేషుడిపై....భక్తి పవన్ కళ్యాణ్పై' అంటే ఇదేనేమో!
ఇంతే కాకుండా మరో చోట పవన్ కళ్యాణ్ నటించిన 'గబ్బర్ సింగ్' చిత్రంలోని పాత్రను తలపించేలా పోలీస్ డ్రెస్సులో తలకు రుమాల్ కట్టుకుని ఉన్న గణేష్ ప్రతిమను కూడా ఏర్పాటు చేసారు కొందరు అభిమానులు. పవన్ కళ్యాణ్ అభిమానుల ఈ చర్యలు సర్వత్రా చర్చనీయాంశం అయ్యాయి.
ఇలాంటి పరిణామాలకు కారణం పవన్ కళ్యాణ్పై ఆయన అభిమానులకు ఉన్న వీరాభిమానమే అని స్పష్టం అవుతోంది. పవన్ కళ్యాణ్ కేవలం సినిమా హీరోగానే కాకుండా ఒక మంచి వ్యక్తిగా, సేవా భావం ఉన్న మానవతా వాదిగా ముందుకు సాగుతుండటంతో ఆయనకు అభిమానులు నీరాజనాలు పడుతున్నారు.