అందాల రాక్షసి హీరో....‘పెళ్లి పుస్తకం’

News

oi-Santhosh

By Bojja Kumar

| Published: Thursday, November 1, 2012, 14:05 [IST]

హైదరాబాద్: అందాల రాక్షసి ఫేం రాహుల్ హీరోగా 'పెళ్లి పుస్తకం' అనే చిత్రం ప్రారంభం అయింది. నీతి టేలర్ హీరోయిన్. లక్ష్మీ నరసింహా సినీ విజన్స్ పతాకంపై బి. నాగిరెడ్డి-బి.వి.గోపాల్-పి.సుమన్ సంయుక్తంగా నిర్మిస్తున్న ఈచిత్రానికి రామకృష్ణ మంచ్చకంటి దర్శకుడు. శేఖర్ చంద్ర సంగీతం అందిస్తున్నారు. ఈ రోజు అన్నపూర్ణ స్టూడియోలో ఈ చిత్ర ప్రారంభ వేడుక జరిగింది. తొలి సన్నివేశానికి ఎ.రమేష్ ప్రసాద్ క్లాన్ నివ్వగా, శ్యాంప్రసాద్ రెడ్డి కెమెరా స్విచ్చాన్ చేసారు. సాగర్ గౌరవ దర్శకత్వం వహించారు.

ఈ చిత్రం గురించి దర్శకుడు మాట్లాడుతూ...'గతంలో డైరీ చిత్రం చేసారు. ఇది నా రెండో సినిమా. బాపుగారి దర్శకత్వంలో గతంలో పెళ్లి పుస్తకం సినిమా వచ్చింది. కానీ ఈ పెళ్లి పుస్తకం కథ పూర్తి డిఫరెంటుగా ఉంటుంది. పెళ్లయిన ఓ జంట జీవితంలో ఎలాంటి ఓడిదుడుకులను ఎదుర్కొన్నారు అనే నేపథ్యంలో ఈ చిత్రం సాగుతుంది. పూర్తి స్థాయి ఫ్యామిలీ ఎంటర్ టైనర్. శ్రీరస్తు శుభమస్తు అనే సాంగ్ కూడా ఈచిత్రంలో పెడుతున్నాము' అని తెలిపారు.

తన కెరీర్ కి ఈచిత్రం బాగా ఉపకరిస్తుందని, తనకు ఈ అవకాశం ఇచ్చిన దర్శక నిర్మాతలకు థాంక్స్ అని హీరో రాహుల్ వ్యాఖ్యానించగా, హీరోయిన్ నీతి టేలర్ మాట్లాడుతూ ఈ సినిమా ద్వారా ప్రేక్షకుల మెప్పిస్తానని, తనకు అవకాశం ఇచ్చనిందుకు కృతజ్ఞతలు అని తెలిపింది.

ఈ చిత్రంలో ఇంకా కాశీ విశ్వనాథ్, నాగినీడు, శ్రవణ్, దేశానంది, జ్యోతి రెడ్డి, శ్రీనివాస్, యశస్విని తదితరులు నటిస్తున్నారు. సాంకేతిక వర్గం వివరాల్లోకి వెళితే... ఎడిటింగ్: మార్తాండ్ కె. వెంకటేష్, ఆర్ట్: నాగేంద్ర ప్రసాద్, ఫోటోగ్రఫీ: జవహర్ రెడ్డి ఎమ్.ఎన్, సంగీతం: శేఖర్ చంద్ర, నిర్మాత: బి. నాగిరెడ్డి, బి.వి.గోపాల్, పి.సుమన్, కథ, దర్శకత్వం: రామకృష్ణ మచ్చకంటి.