హోమ్

న్యూస్

హైదరాబాద్: దర్శకుడు రాజమౌళి తెరకెక్కించిన విజువల్ వండర్ 'బాహుబలి' ఎంత పెద్ద విజయం సాధించిందో అందరికీ తెలిసిందే. ఇండియన్ సినీ ప్రేక్షకులు ఇంత వరకు ఎన్నడూ చూడని ఒక అద్భుతాన్ని వెండితెరపై సృష్టించారు. దేశ వ్యాప్తంగా ఈ సినిమాకు ప్రేక్షకలు నిరాజనాలు పట్టారు. త్వరలో రాబోతున్న బాహుబలి-2 కోసం అందరూ ఆసక్తిగా ఎదురు చూస్తున్నారు.

బాముబలి పార్ట్ 1లో రాజమౌళి కూడా గెస్ట్ రోల్ చేసారు. ఓ పాటలో మద్యం అమ్ముతూ కనిపించారు. రెండో భాగంలోనూ ఆయన కనిపిస్తారా? లేదా? అనేది అభిమానుల్లో ఉన్న ప్రశ్న. ఇటీవల మీడియా మీట్లో రాజమౌళికి ఇందుకు సంబంధించిన ప్రశ్న ఎదురైంది.

దీనికి రాజమౌళి స్పందిస్తూ 'మొదటి భాగంలో నేను గెస్ట్ రోల్ చేసి చేసి పెద్ద తప్పు చేసారు. మళ్లీ అలాంటి తప్పును రిపీట్ చేయాలనుకోవడం లేదు. అందుకే రెండో భాగంలో నేను కనిపించను' అని రాజమౌళి తెలిపారు.

బాహుబలి-2 రిలీజ్ డేట్ ఆల్రెడీ ఖరారైంది. బాహుబలి రెండో పార్ట్ హిందీ వర్షెన్ 2017, ఏప్రిల్ 28న విడుదలవుతున్నట్టు అఫీషియల్ గా ప్రకటించారు. రాజమౌళి దర్శకత్వంలో గతేడాది వచ్చిన పార్ట్ 1 'బాహుబలి-ది బిగినింగ్' చూసిన ప్రతి ఒక్కరూ.... పార్ట్ 2 'బాహుబలి-ది కంక్లూజన్' ఎప్పుడు వస్తుందా అని ఆసక్తిగా ఎదురు చూస్తున్నారు.