Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మనీ మైండెడ్ కాదు: ప్రభాస్ ఆ ఇంటర్వ్యూలో ఏం చెప్పాడో తెలుసా?
ఇటీవల హిందుస్తాన్ టైమ్స్ కు ఇచ్చిన ఇంటర్వ్యూలో ప్రభాస్ పలు ఆసక్తికర విషయాలు చెప్పుకొచ్చారు. తనకు డబ్బు కంటే ఫ్యామిలీ, ఫ్రెండ్సే ముఖ్యమని ప్రభాస్ చెప్పకనే చెప్పాడు.
హైదరాబాద్: 'బాహుబలి', 'బాహుబలి-2' సినిమాల తర్వాత ప్రభాస్ నేషనల్ స్టార్ అయిపోయాడు. సౌత్ స్టార్ల గురించి పెద్దగా పట్టించుకోని జాతీయ మీడియా 'బాహుబలి' బాక్సాఫీసు దెబ్బతో తన తీరు మార్చుకున్నట్లే కనిపిస్తోంది.
బాహుబలి రిలీజ్ తర్వాత ప్రభాస్, రాజమౌళి తదితరుల ఇంటర్వ్యూల కోసం జాతీయ మీడియా పోటీ పడుతుండటం గమనార్హం. కాగా... ఇటీవల హిందుస్తాన్ టైమ్స్ కు ఇచ్చిన ఇంటర్వ్యూలో ప్రభాస్ పలు ఆసక్తికర విషయాలు చెప్పుకొచ్చారు. తనకు డబ్బు కంటే ఫ్యామిలీ, ఫ్రెండ్సే ముఖ్యమని ప్రభాస్ చెప్పకనే చెప్పాడు.
ప్రభాస్ తీరు చూసి ఆశ్చర్యం
బాహుబలి తర్వాత ప్రభాస్ కు బాలీవుడ్లో చాలా అవకాశాలు వస్తున్నాయి. భారీగా రెమ్యూనరేషన్ కూడా ఆఫర్ చేస్తున్నారు పలువురు నిర్మాతలు. అయితే ప్రభాస్ మాత్రం వాటిని సున్నితంగా తిరస్కరిస్తున్నారు.
బాలీవుడ్ అవకాశాలు ఎందుకు ఒప్పుకోవడం లేదంటే...
బాలీవుడ్లో అవకాశాలు వస్తున్నా ఇంకా అంగీకరించక పోవడంపై ప్రభాస్ స్పందిస్తూ... ప్రస్తుతం నా మొదటి ప్రాధాన్యత వీలైనంత ఎక్కువ సమయం నా ఫ్యామిలీ, ఫ్రెండ్స్ తో గడపటమే. ఇంకా సాహో లోని క్యారెక్టర్ కోసం ప్రిపేర్ అవ్వాల్సి ఉంది. ఆ తర్వాత ఏం జరుగుతుందో చూద్దాం. ఇంకా బాలీవుడ్లోకి రావాలనే విషయం గురించి ఏమీ ఆలోచించలేదన్నారు.
అదే నాకు పెద్ద కాంప్లిమెంట్
రాజమౌళి సార్ నా కోసం బాహుబలి క్యారెక్టర్ రాయడమే పెద్ద కాంప్లిమెంట్. సినిమా షూటింగ్ ప్రారంభం కావడానికి ముందు అసలు ఈ క్యారెక్టర్ చేయడానికి నేను అర్హుడినా? నాకు అంత స్టేచర్ ఉందా? అని ఆలోచించే వాడిని...... అని ప్రభాస్ చెప్పుకొచ్చారు.
మొదట రెండు సంవత్సరాలే అనుకున్నాం
బాహుబలి సినిమా ప్రాజెక్టుకు ముందు రెండు సంవత్సరాలు మాత్రమే అనుకున్నాం. కానీ తర్వాత సమయం పెరుగుతూ వచ్చింది. రాజమౌళి మీద నమ్మకంతో ఎలాంటి టెన్షన్ లేకుండా షూటింగులో నిమగ్నమయ్యాను అని ప్రభాస్ తెలిపారు.
బాహుబలి సమయంలో ఇతర సినిమా అవకాశాలు పోతున్నాయని బాధపడలేదు
‘బాహుబలి సినిమా షూటింగ్ సమయంలో ఇతర అవకాశాలు పోతున్నాయని ఎప్పుడూ బాధ పడలేదు. ఇలాంటి సినిమా కోసం నా జీవితంలో ఐదు కాదు ఏడు సంవత్సరాలైనా ఇవ్వడానికి సిద్ధమే అని ప్రభాస్ తెలిపారు.
కేవలం యాక్షన్ పోర్షనే 300 రోజులు
బాహుబలి ప్రాజెక్టుకు సంబంధించి కేవలం యాక్షన్ పోర్షనే 300 రోజులు చిత్రీకరించారు. ప్రాజెక్టు మొత్తం మీద చాలా కష్టమైన షెడ్యూల్స్ కూడా ఇవే అని ప్రభాస్ తెలిపారు.
బాహుబలి 3లో ప్రభాస్ నటిస్తాడా?
బాహుబలి 3లో ప్రభాస్ ఉంటాడా? అనే ప్రశ్నకు స్పందిస్తూ.... ఈ ప్రశ్నకు సమాధానం ఆ సినిమాను నిర్మించే నిర్మాతలు చెబితే బావుంటుంది. బాహుబలి 3 ఉంటుందో? ఉండదో కూడా నాకు తెలియదు. ఒక వేళ అలాంటి అవకాశం వస్తే నేను చేయడానికి సిద్ధమే అని ప్రభాస్ తెలిపారు.