»   »  సల్మాన్ ' ప్రేమ్‌ రతన్‌ ధన్‌ పాయో' కథ ఇదే (ప్రివ్యూ)

సల్మాన్ ' ప్రేమ్‌ రతన్‌ ధన్‌ పాయో' కథ ఇదే (ప్రివ్యూ)

Posted by:
Subscribe to Filmibeat Telugu

హైదరాబాద్‌: సల్మాన్‌ఖాన్‌, సోనమ్‌ కపూర్‌ జంటగా రూపొందిన చిత్రం ప్రేమ్‌ రతన్‌ ధన్‌ పాయో. ఈ చిత్రాన్ని తెలుగులో 'ప్రేమ లీల' టైటిల్ తో విడుదల చేస్తున్నారు. తెలుగులో సల్మాన్ ఖాన్ కు రామ్ చరణ్ డబ్బింగ్ వాయిస్ ఇస్తున్నారు. సూరజ్‌ భాటియా ఈ చిత్రానికి దర్శకత్వం వహించారు. ఈ రోజుఈ చిత్రం ప్రేక్షకుల ముందుకు రానుంది.

తెలుగులో 'ప్రేమలీల', తమిళంలో 'మెయ్‌ మరన్‌దాయో అన్బే' పేరిట తీసుకొస్తున్నారు. అమెరికన్‌ రచయిత మార్క్‌ ట్వెయిన్‌ రాసిన 'ది ప్రిన్స్‌ అండ్‌ ది పాపర్‌' కథ ఆధారంగా దీన్ని తెరకెక్కించినట్లు సమాచారం. ఈ చిత్రం పాకిస్థాన్‌లోనూ విడుదలవుతోంది.


చిత్రం కథ ఏమిటంటే.... ప్రేమ్‌(సల్మాన్‌) డ్రామా కంపెనీలో పనిచేసే సామాన్యుడు. సేవాగుణమున్నోడు. సంపాదన తక్కువైనా ఉన్నదాంట్లోనే ఓ దాతృత్వ సంస్థకు విరాళమిస్తుంటాడు. ఆ సంస్థను నిర్వహిస్తున్నది యువరాణి మైథిలి (సోనమ్‌ కపూర్‌) అని తెలుస్తుంది. ఆమెను ఇష్టపడిన ప్రేమ్‌ మైథిలిని చూడాలన్న కోరికతో అంతఃపురానికి వెళ్తాడు.

Prem Ratan Dhan Payo Movie preview

ఆ రాజ్యాన్ని పాలించే రాజు విజయ్‌(సల్మాన్‌) అచ్చు ప్రేమ్‌ పోలికలతో ఉంటాడు. రాజు సవతి సోదరులిద్దరు సింహాసనం చేజిక్కించుకోవాలని కుట్రలు పన్నుతుంటారు. మైథిలిని కలుసుకున్నాక ప్రేమ్‌కు తను కూడా ఆ రాజవంశానికి చెందినవాడేనన్న నిజం తెలుస్తుంది. మరి ప్రేమ్‌ తన కుటుంబానికి ఎలా దూరమయ్యాడు? దానికి కారకులెవరు? నిజం తెలిసిన తర్వాత విజయ్‌, ప్రేమ్‌ ఏం చేశారు? మైథిలి ప్రేమను ప్రేమ్‌ గెలిచాడా? ఈ విషయాలను 'ప్రేమ్‌ రతన్‌ ధన్‌ పాయో'లో చూడాల్సిందే.

1989లో విడుదలైన 'మైనే ప్యార్‌ కియా'తో రాజ్‌శ్రీ ప్రొడక్షన్స్‌, దర్శకుడు సూరజ్‌ బర్జాత్యా, సల్మాన్‌ల కాంబినేషన్‌కు శ్రీకారం జరిగింది. బర్జాత్యాకు తొలి చిత్రం, సల్మాన్‌కు రెండో చిత్రమిది. ఈ చిత్రం ఘనవిజయం సాధించింది. ప్రేమ్‌ పాత్రలో అద్భుతమైన నటన కనబర్చిన సల్మాన్‌ లవర్‌బోయ్‌ ఇమేజ్‌ సొంతం చేసుకున్నాడు. ఆ తర్వాత ఐదేళ్లకు ఇదే కాంబినేషన్‌లో 'హమ్‌ ఆప్కే హై కౌన్‌' వచ్చింది.

కుటంబ అనుబంధాల కోసం తన ప్రేమనే వద్దనుకునే ప్రేమ్‌గా సల్మాన్‌ మెప్పించాడు. ఉత్తమ చిత్రంగా జాతీయ పురస్కారం గెలుచుకుందీ సినిమా. 1999లో వచ్చిన 'హమ్‌ సాథ్‌ సాథ్‌ హై'తో ఈ కాంబినేషన్‌ హ్యాట్రిక్‌ విజయం సాధించింది. 16 ఏళ్ల విరామం తర్వాత ఇప్పుడు 'ప్రేమ్‌ రతన్‌ ధన్‌ పాయో'తో మరోసారి కలిశారు.

నటీనటులు: సల్మాన్‌ఖాన్‌, సోనమ్‌ కపూర్‌, నీల్ నితీన్ దేశ్ముఖ్, అనుపమ్ ఖేర్, స్వర భాస్కర్, సంజయ్ మిశ్రా తదితరులు
సంగీతం: హిమేష్ రేష్మియా,
నేపధ్య సంగీతం: సంజయ్ చౌదరి,
చాయాగ్రహణం: వి.మణికందన్,
ఎడిటర్: సంజయ్ సంక్ల,
పంపిణీ: ఫాక్స్ స్టార్ స్టూడియోస్,
నిర్మాణం: రాజశ్రీ ప్రొడక్షన్స్,
కథ-స్క్రీన్ ప్లే-దర్శకత్వం: సూరజ్ బరజాత్య
విడుదల తేదీ: 12, నవంబర్ 2015

English summary
The movie Prem Ratan Dhan Payo is all on its way to theaters, The movie is going to release on the larger scale ever, with over 5800 Screens in India and 800 Screens abroad. Prem Ratan Dhan Payo telugu dubbed movie starring Salman Khan and Sonam Kapoor in lead roles released. Ram charan dubbing for salman.
Please Wait while comments are loading...