Don't Miss!
- Sports చరిత్ర సృష్టించిన KL రాహుల్.. ధోనీ రికార్డు బ్రేక్
- News ఏపీలో తీవ్ర వడగాల్పులు: అప్రమత్తంగా ఉండక తప్పదు
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
‘దంగల్’ విజయం మాకు ప్లస్సవుతుంది: రాజమౌళి
దంగల్ మూవీ విజయంపై రాజమౌళి స్పందించారు. ఈ సినిమా విజయం బాహుబలి-2కి ప్లస్సవుతుందన్నారు.
'బాహుబలి -2' మూవీ విడుదలై బాక్సాఫీసు వద్ద భారీ సంచలనాలు నమోదు చేసింది. అప్పటి వరకు ఉన్న అన్ని ఇండియన్ సినిమాల రికార్డులను తుడిచేసి నెం.1 పొజిషన్ దక్కించుకుంది. అయితే ఈ పొజిషన్ ఎంతో కాలం నిలవలేదు. ఇది జరిగిన కొన్ని రోజులకే 'దంగల్' మూవీ చైనాలో రిలీజ్ అవ్వడం..... బాహుబలి-2 రికార్డులన్నింటినీ తన ఖాతాలో వేసుకోవడం జరిగింది. హయ్యెస్ట్ గ్రాసింగ్ ఇండియన్ మూవీగా 'దంగల్' నెం.1 అయింది.
చైనాలో రిలీజ్ అవ్వడం 'దంగల్'కు బాగా కలిసొచ్చింది. ఒక్క చైనాలోనే ఈ చిత్రం రూ. 2 వేల కోట్లు వసూలు చేయడమే ఇందుకు కారణం. ఇక్కడ 'దంగల్' చిత్రానికి ఊహించని రెస్పాన్స్ లభించింది.
జులైలో 'బాహుబలి-2' కూడా చైనాలో విడుదలకు సిద్ధమవుతోంది. అయితే 'దంగల్' చిత్రానికి వచ్చినంత రెస్పాన్స్ 'బాహుబలి-2'కు కూడా వస్తుందని కన్ఫర్మ్గా చెప్పలేం. ఎందుకంటే గతంలో 'బాహుబలి-1' చిత్రం చైనాలో ఆశించిన ఫలితాలు ఇవ్వలేదు.
దీనిపై దర్శకుడు రాజమౌళి స్పందిస్తూ...'దంగల్' మూవీ సక్సెస్ మాకు హెల్ప్ అవుతుంది. 'దంగల్' తర్వాత భారీగా విడుదలవుతున్న మరో ఇండియన్ మూవీ ఇది. అందువల్ల వారు ఈ చిత్రాన్ని ప్రత్యేక చిత్రంగా భావించే అవకాశం ఉంది అన్నారు. 'బాహుబలి-1' కంటే 'బాహుబలి-2' చిత్రం ఎక్కువ థియేటర్లలో విడుదలవ్వబోతోంది. చైనాలో మంచి వసూళ్లు వస్తాయని భావిస్తున్నామని రాజమౌళి తెలిపారు.