మేం చేసిన తప్పేంటి? ‘బాహుబలి-2’ను అడ్డుకోవడం దారుణం: రాజమౌళి

ఈ వివాదంపై రాజమౌళి స్పందన

ఈ వివాదంపై దర్శకుడు రాజమౌళి స్పందించారు. మాకు సంబంధం లేని విషయంలో మా బాహుబలి 2 సినిమాను అడ్డుకుంటామని అనడం విచారకరమన్నారు. సత్యరాజ్ 9 సంవత్సరాల ముందు ఏవో కామెంట్స్ చేస్తే ఇపుడు ఆందోళన చేయడం దారుణమన్నారు.

ఆ వివాదం గురించి తెలియదు

మాకు ఆ వివాదానికి సంబంధించిన విషయాలేవీ తెలియవు. మాకు సంబంధం లేని విషయం. తమిళం పూర్తి స్థాయిలో రాదుకాబట్టి ఆయన ఏం మాట్లాడారో కూడా తెలియదు. ఆయన వ్యాఖ్యల్లో కన్నడిగులకు ఉన్న అభ్యంతరం ఏమిటో తెలియదు.... అని రాజమౌళి అన్నారు.

ఇన్నాళ్లూ లేని గొడవ ఇప్పుడెందుకు?

9 ఏళ్ల క్రితం ఆయన కామెంట్స్ చేసిన తర్వాత చాలా సినిమాలు వచ్చాయి. బాహుబలి పార్ట్ 1 కూడా రిలీజైంది. అప్పుడు ఎలాంటి వివాదం లేదు. ఇపుడు సడెన్ గా తెరపైకి వివాదం రావడం విచారకరమని రాజమౌళి అన్నారు.

చాలా సెన్సిటివ్ ఇష్యూ

ఇది చాలా సెన్సిటివ్ ఇష్యూ... ఆ వివాదం గురించి ఎలా స్పందించాలో కూడా తెలియదు. మౌనంగా ఉండాలో తెలియదు, ఏదైనా మాట్లాడాలో తెలియదు. సత్యరాజ్ ఈ సినికు దర్శకుడు కాదు, నిర్మాత కాదు, హీరో కూడా కాదు.... ఓ పాత్ర చేసాడు అంతే. ఈ వివాదంలో ఏం చేయాలో తెలియని అయోమయంలో మేమంతా ఉన్నామని దర్శకుడు రాజమౌళి అన్నారు.

క్షమాపణ చెప్పిస్తే అక్కడ సమస్యత

ఒక వేళ సత్యరాజ్ కన్నడిగులకు క్షమాపణ చెబితే తమిళనాడులో ఆయనకు కావేరి సెగ తగులుతోంది. బాహుబలి-2 (తమిళ్, తెలుగు, హిందీ) సినిమాను తమిళనాడులో అడ్డుకునే అవకాశం ఉందని తెలుస్తోంది.