హోమ్

న్యూస్

హైదరాబాద్: నెలరోజుల విహారయాత్ర తర్వాత రాజమౌళి తిరిగి స్వదేశానికి చేరుకున్నారు. ఈ నేపథ్యంలో తన యాత్ర అనుభవాలను ఫేస్‌బుక్‌, ట్విట్టర్ ద్వారా అభిమానులతో పంచుకున్నారు రాజమౌళి.

Back in india after a month long tour in U.S. , Bali and South Korea..few days spent on work and few days spent on holiday..refreshing..

— rajamouli ss (@ssrajamouli) October 6, 2015

''బుసాన్‌లో 'బాహుబలి' ప్రదర్శన తర్వాత నన్ను అక్కడివారికి 'ఈగ' దర్శకుడు అని పరిచయం చేశారు. 'ఈగ'ను 2012 బుసాన్‌లో ప్రదర్శించిన విషయాన్నీ ప్రస్తావించారు. ఆ మాట విన్న వెంటనే అక్కడి ప్రేక్షకుల్లో ఆశ్చర్యం చూశాను. కార్యక్రమం పూర్త్తెన తర్వాత చాలామంది మా 'ఈగ' డీవీడీ మీద ఆటోగ్రాఫ్‌ తీసుకున్నారు. నా కెరీర్‌కు ఆ సినిమా ఎంతో ఉపయోగపడింది. 'ఈగ'కు ధన్యవాదాలు'' అని ఫేస్‌బుక్‌లో రాసుకొచ్చారు.

Audience. Many Koreans took my autograph on the dvd cover of EEGA... That film did so much to my career...thanks EEGA...:)

— rajamouli ss (@ssrajamouli) October 6, 2015

దక్షిణ కొరియాలోని బుసాన్‌ సినిమా సెంటర్ లో ప్రపంచ ప్రఖ్యాత బుసాన్‌ చలన చిత్రోత్సవం జరుగుతోంది... ప్రపంచవ్యాప్తంగా గుర్తింపు పొందిన చిత్రాలను అక్కడ ప్రదర్శిస్తుంటారు. ఆ సెంటర్‌లో ఓవైపు సినిమాల ప్రదర్శన జరుగుతోంది. మరోవైపు చూస్తే అక్కడి యువత పెద్ద క్యూ కట్టేసింది. ఏ టికెట్ల కోసమో, పాస్‌ల కోసమో కాదు.

ఓ వ్యక్తి ఆటోగ్రాఫ్‌ కోసం. ఆ వ్యక్తి ఎవరో కాదు, మన దర్శక 'బాహుబలి' రాజమౌళి. బుసాన్‌ చిత్రోత్సవంలో 'బాహుబలి: ది బిగినింగ్‌'ను ప్రత్యేకంగా ప్రదర్శిస్తున్న విషయం తెలిసిందే. అక్కడి యువతకు రాజమౌళి ఆటోగ్రాఫ్‌లు ఇస్తున్న ఫొటోలు నెట్‌లో హల్‌చల్‌ చేస్తున్నాయి.

.@ssrajamouli signing autographs after the show @busanfilmfest pic.twitter.com/8nQLEuJTVQ

— Shobu Yarlagadda (@Shobu_) October 4, 2015

ఈ సందర్భంగా రాజమౌళి అక్కడి మీడియాతో మాట్లాడుతూ ''బాహుబలి: ది బిగినింగ్‌' విజయం వెనుక విజువల్‌ ఎఫెక్ట్స్‌, యుద్ధం నేపథ్యంలోని సన్నివేశాలది ప్రముఖ స్థానం. 'బాహుబలి' రెండో భాగం నుంచి ప్రేక్షకులు ఎంతగా ఆశిస్తున్నారో మాకు అర్థమైంది. వాళ్లను నిరాశపరచకూడదని మా బృందం ఎంతో కష్టపడుతోంది. 'బాహుబలి: ది కంక్లూజన్‌' భారీగా ఉండబోతోంది. తొలి భాగాన్ని మించిపోయే భావోద్వేగాలతో రెండో భాగాన్ని తీర్చిదిద్దుతాం'' అన్నారు.

బుసాన్‌లో 'బాహుబలి: ది బిగినింగ్‌'ను ఈ నెల 4న ప్రదర్శించగా... 7న, 9న మరో రెండు ప్రదర్శనలు ఉన్నాయి.

Baahubali will be screened three times and this is the 5000 capacity outdoor auditorium that will play it on 7th.. pic.twitter.com/SvZhRLjdT6

— rajamouli ss (@ssrajamouli) October 6, 2015