Don't Miss!
- News దానం నాగేందర్ కు షాక్ - కాంగ్రెస్ అభ్యర్ది మార్పు..!?
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Sports RCB vs KKR: 500 టీ20 మ్యాచ్ ఆడబోతున్న ఐపీఎల్ స్టార్.. మ్యాన్ ఆఫ్ మెయిడెన్ ఓవర్స్
- Finance Gold Rate Today: బంగారం ప్రియులకు షాక్.. పెరిగిన ధర..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రజనీ దిగులు: 50ఏళ్ల నిషేదాన్ని బద్దలు కొడుతున్న వేళ...
హైదరాబాద్: కన్నడలో డబ్బింగ్ సినిమాలపై నిషేదం గత 50 ఏళ్లుగా కొనసాగుతూనే ఉంది. ఏ సినిమా అయినా కన్నడలో డబ్ చేయకుండా నేరుగా విడుదల చేయాల్సిందే. కన్నడ చిత్ర సీమను రక్షించుకోవాలనే ఉద్దేశ్యంతో అప్పట్లో ఈ నిర్ణయం తీసుకున్నారు. అక్కడ డబ్బింగ్ అయిన చివరి చిత్రం టాలీవుడ్ కి చెందిన ‘మాయా బజార్'.
అయితే ప్రస్తుతం కన్నడ చిత్ర సీమలో పరిస్థితులు పూర్తిగా మారాయి. డబ్బింగ్ సినిమాల కోసం అంటూ ఓ చాంబర్ కూడా ఏర్పాటయింది. ఇకపై ఇతర భాషల సినిమాలు కూడా ఇక్కడ అనువాదం కాబోతున్నాయి. రజనీకాంత్ యానిమేషన్ మూవీ ‘కొచ్చాడయాన్'తో డబ్బింగ్ సినిమాల పరంపర మొదలు కాబోతోంది.
రజనీకాంత్ నటించిన ‘కొచ్చాడయాన్' పెద్ద ప్లాప్ అయినా..... 50 ఏళ్లుగా సాగుతున్న నిషేదం ఈ సినిమాతో బద్దలవ్వడం విశేషం. ఆల్రెడీ నిర్మాతలకు తీవ్ర నష్టాలు మిగిల్చిన ఈ సినిమా కన్నడలో డబ్ అయి ఏమేరకు వసూలు చేస్తుందో చూడాలి.
ఇక....కన్నడలో డబ్బింగ్ సినిమాలకు అనుమతి లభించడం తెలుగు సినీ పరిశ్రమకు కలిసొచ్చే అంశమే. ఇప్పటి మహేష్ బాబు, ఎన్టీఆర్, ప్రభాస్, పవన్ కళ్యాణ్ లాంటి టాలీవుడ్ స్టార్స్ నటించిన తెలుగు సిమాలు నేరుగా విడుదలైనా మంచి వసూళ్లు సాధిస్తుంటాయి. ఇక కన్నడలో డబ్ అయితే కలెక్షన్లు మరింత ఎక్కువగా ఉంటాయనే ఆశాభావం వ్యక్తం చేస్తున్నారు నిర్మాతలు.
అయితే కన్నడలో డబ్బింగ్ చిత్రాలను వ్యతిరేకించే వారు కూడా ఉన్నారు. తొలుత సినిమాల విడుదల సమయంలో వారి ఆందోళన కొనసాగే అవకాశం ఉంది. అందుకే తొలి సినిమాగా రజనీకాంత్ ప్లాప్ మూవీ ‘కొచ్చాడయాన్'ను ఎంచుకున్నట్లు తెలుస్తోంది. అయితే ఈ డబ్బింగ్ వివాదం వల్ల తాను ఏమైనా ఇబ్బందుల్లో పడతానేమోనని ఆందోళనగా ఉన్నారట రజనీకాంత్. ఈ సినిమా రిలీజ్ సాఫీగా సాగితే మిగతా చిత్రాలు క్యూ కట్టనున్నాయి.