Don't Miss!
- News అప్పుడు వైసీపీ..ఇప్పుడు టీడీపీ.. యంగ్ హీరో ఇలా మారిపోయాడేంటి..!
- Sports T20 World Cup 2024: సంజూ శాంసన్కు మళ్లీ అన్యాయమే!
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రైల్వే స్టేషన్లలో ఇకపై రజనీకాంత్ వాయిస్
చెన్నై: ఇకపై రైల్వే స్టేషన్లలో రజనీకాంత్ వాయిస్ వినబోతున్నాం. ఈ మధ్య రైల్వే స్టేషన్లలో రైల్వే ట్రాక్ దాటుతూ పలువురు ప్రమాదాలకు గురవుతున్నారు. ఈ నేపథ్యంలో జనాల్లో చైతన్యం తెచ్చేందుకు రజనీకాంత్ వాయిస్ ఉపయోగించాలని రైల్వే డిపార్టుమెంట్ నిర్ణయించింది. ఆయన వాయిస్ వినిపించడం ద్వారా ఎవరూ నేరుగా రైలు పట్టాలు దాటకుండా పాదచారుల వంతెన ఎక్కి వెళ్లేలా చైతన్యం తేనున్నారు.
రైల్వే పోలీస్ డిపార్టుమెంటులో పని చేసే మిమిక్రి ఆర్టిస్టుతో రజనీకాంత్ వాయిస్ రికార్డు చేసి అన్ని రైల్వే స్టేషన్లలో వేయనున్నారట. ఎక్కువగా స్కూలు, కాలేజీ విద్యార్థుల రైల్వే ట్రాక్ దాటుతూ ప్రమాదాలకు గురవుతున్న నేపథ్యంలో వారిని దృష్టిలో ఉంచుకుని ఈ నిర్ణయం తీసుకున్నట్లు తెలుస్తోంది. మంచి పనికి తన వాయిస్ ఉపయోగిస్తుండటంతో రజనీకాంత్ కూడా వెంటనే అంగీకరించినట్లు సమాచారం.
రజనీకాంత్ సినిమాల విషయానికొస్తే త్వరలో ‘లింగా' సినిమా ద్వారా ఆయన ప్రేక్షకుల ముందుకు రాబోతున్నారు. ‘లింగా' చిత్రంలో రజనికి జోడిగా అందాల భామలు అనుష్క, సోనాక్షి సిన్హా నటిస్తున్నారు. ప్రముఖ దర్శకుడు కెఎస్. రవి కుమార్ దర్శకత్వం వహిస్తున్నారు. రాక్లైన్ వెంకటేష్ నిర్మాతగా రాక్లైన్ ఎంటర్టైన్మెంట్ పతాకంపై సౌత్ ఇండియాలో అత్యంత భారీగా తెరకెక్కుతోంది. ఈ చిత్రానికి రత్నవేలు సినిమాటోగ్రఫీ, ఏ.అర్.రెహమాన్ సంగీతం అందిస్తున్నాడు.
‘లింగా'లో తెలుగు కమెడియన్ బ్రహ్మానందం కూడా సందడి చేయబోతున్నారు. ఆయనకు సంబంధించి షెడ్యూల్ ను రామోజీ ఫిల్మ్ సిటీలో తెరకెక్కించారు. ఇందులో బ్రహ్మానందం ఖాకీ డ్రస్సులో పోలీస్ ఆఫీసర్గా కనిపిస్తారు. దర్శకుడు కె.ఎస్.రవికుమార్ బ్రహ్మానందం పాత్రను నవ్వులు పూయించేలా డిజైన్ చేసారట. చాన్నాళ్ల తర్వాత బాలసు బ్రహ్మణ్యం రజనీకాంత్ నటించిన సినిమాకు టైటిల్ సాంగ్ పాడారు.