» 

రామ్ చరణ్ ద్వారా... కో అంటే కోటి ఆడియో

Posted by:
 

హైదరాబాద్: హీరో శర్వానంద్ నటిస్తున్న 'కో అంటే కోటి' చిత్రం ఆడియో ఈ నెల 8న విడుదల చేసేందుకు రంగం సిద్ధం చేసారు. తాజాగా అందిన సమాచారం ప్రకారం..ఈ వేడుకకు మెగా పవర్ స్టార్ రామ్ చరణ్ హాజరవుతున్నారని, ఆయన చేతనే ఆడియో ఆవిష్కరణ జరుగనున్నట్లు సమాచారం.

ఈ చిత్రం ద్వారా శర్వానంద నిర్మాతగా మారాడు. శర్వా ఆర్ట్స్ బేనర్‌పై ఈచిత్రాన్ని నిర్మించారు. ఈ నేపథ్యంలో తన క్లోజ్ ఫ్రెండ్ అయిన రామ్ చరణ్‌ను కూడా ఈ వేడుకకు ఆహ్వానిస్తున్నట్లు తెలుస్తోంది. ఆవకాయ బిర్యాని దర్శకుడు అనీష్ కురువిల్లా దర్శకత్వంలో ఈ చిత్రం రూపొందింది. ప్రియా ఆనంద్ హీరోయిన్ గా చేస్తున్న ఈ చిత్రం డబ్బు చుట్టూ తిరగే కథ. శ్రీహరి కీలక పాత్ర పోషించారు.

'కో అంటే కోటి' చిత్ర టీజర్ కి అద్భుతమయిన స్పందన వచ్చింది. ఈ టీజర్లో మొదటి డైలాగ్ 'బ్రతకాలి అంటే బలుపు కావాలి అది నా దగ్గర చాలా ఉంది' జనాన్ని ప్రత్యేకంగా ఆకట్టుకుంది. ఈ టీజర్ లో వినిపించిన బ్యాక్ గ్రౌండ్ మ్యూజిక్ ఇంకా సినిమాటోగ్రఫీ చాలా విభిన్నంగా ఉంటూ ప్రేక్షకులలో ఆసక్తి రేకెత్తించేలా ఉన్నాయి.

ఈ చిత్రానికి శక్తికాంత్ సంగీతం అందించారు. ఎరుకుల్ల రాకేష్, నవీన్ సినిమాటోగ్రాఫర్లుగా పని చేసారు. క్రైమ్ కామెడీ నేపథ్యంలో సాగే ఈ చిత్రం ప్రేక్షకులను ఆకట్టుకుంటుందని, తన గత చిత్రాల్లాగే ఈ చిత్రం కూడా మంచి పేరు తెస్తుందని శర్వనంద్ ఆశాభావం వ్యక్తం చేస్తున్నారు.

Topics: ram charan teja, sharvanand, ko ante koti, priya anand, రామ్ చరణ్ తేజ్, శర్వానంద్, కో అంటే కోటి, ప్రియా ఆనంద్
English summary
Sharvanand's upcoming film 'Ko Antey Koti' audio launch is going to be held on December 8 in Hyderabad. Sharvanand's friend Ram Charan is likely to attend the audio function. Anish Kuruvilla has directed the film and Sharvanand has produced the film under Sarvaa Arts banner.

Telugu Photos

Go to : More Photos