Don't Miss!
- Lifestyle భార్యా భర్త గొడవపడ్డినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- News వల్లభనేని వంశీకి షాకిచ్చేలా యార్లగడ్డతో చంద్రబాబు వ్యూహం!!
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
అదిరింది :రామ్ ‘హైపర్’ ఫస్ట్ లుక్
హైదరాబాద్: రామ్ హీరోగా సంతోష్ శ్రీనవాస్ దర్శకత్వంలో రూపొందుతున్న చిత్రానికి 'హైపర్' అనే టైటిల్ను ప్రకటించిన సంగతి తెలిసిందే. 14 రీల్స్ ఎంటర్టైన్మెంట్ పతాకంపై రామ్ ఆచంట, గోపిచంద్ ఆచంట, అనీల్ సుంకర సంయుక్తంగా నిర్మిస్తున్న ఈ మూవీ ఫస్ట్ లుక్ ను చిత్ర యూనిట్ తాజాగా విడుదల చేసింది. 'ప్రతి ఇంట్లో ఒకడుంటాడు' అనేది ఈ చిత్రానికి ట్యాగ్లైన్. దాన్ని రామ్ తన ట్విట్టర్ ద్వారా షేర్ చేసాడు.
Here you go ppl! My look for #HYPER ! :) #Love pic.twitter.com/gUTyzhr6vB
— Ram Pothineni (@ramsayz) August 3, 2016
దర్శకుడు సంతోష్ శ్రీనవాస్ మాట్లాడుతూ ''ఇందులో రామ్ పాత్ర హైపర్గా ఉంటుంది. అతని కేరక్టరైజేషనను, ఎనర్జిటిక్ పెర్ఫార్మెన్సను దృష్టిలో పెట్టుకుని ఈ సినిమాకు 'హైపర్' అనే పేరును నిర్ణయించాం. మామూలుగా ప్రతి ఇంట్లోనూ ఒకరైనా చురుగ్గా ఉంటారు. అలా కుటుంబ నేపథ్యంలో సాగే యాక్షన ఎంటర్టైనర్ ఇది. రామ్ కెరీర్లో వైవిధ్యమైన చిత్రమవుతుంది. ఫస్ట్లుక్ను ఆగస్ట్ 3న విడుదల చేస్తాం. సెప్టెంబర్ 30న విజయదశమి కానుకగా చిత్రాన్ని ప్రేక్షకుల ముందుకు తీసుకొస్తాం'' అని తెలిపారు.
నిర్మాతలు రామ్ ఆచంట, గోపీచంద్ ఆచంట, అనీల్ సుంకర మాట్లాడుతూ.... 'హైపర్' (ప్రతి ఇంట్లో ఒకడుంటాడు) టైటిల్కి చాలా మంచి రెస్పాన్స్ వచ్చింది. టైటిల్కి తగ్గట్టుగానే ఈ సినిమా మంచి యాక్షన్ ఎంటర్టైనర్గా రూపొందుతోంది. ఆగస్ట్ 5 నుండి వైజాగ్లో ఈ చిత్రానికి సంబంధించిన తాజా షెడ్యూల్ జరుగుతుంది. ఆగస్ట్ 20 వరకు జరిగే ఈ షెడ్యూల్తో టోటల్ టాకీ పార్ట్ పూర్తవుతుంది. సెప్టెంబర్ 9కి పాటల చిత్రీకరణ కూడా పూర్తవుతుంది.'' అన్నారు.
రామ్ సరసన రాశి ఖన్నా హీరోయిన్గా నటిస్తున్న ఈ చిత్రంలో సత్యరాజ్, రావు రమేష్, మురళీశర్మ, పోసాని కృష్ణమురళి, ప్రభాస్ శ్రీను, తులసి, హేమ, ప్రియ తదితరులు ఇతర ముఖ్యపాత్రలు పోషిస్తున్నారు.