Don't Miss!
- News వాట్సప్ లో మరో అదిరిపోయే కొత్త ఫీచర్; ఆఫ్ లైన్ లోనూ షేరింగ్.. ఇక రచ్చేనా!!
- Sports CSK vs LSG: వారెవ్వా రాహుల్.. వాటే క్యాచ్!వీడియో
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఇదే చివరి బర్త్ డే కావాలని కోరుకుంటున్న రానా!
హైదరాబాద్: టాలీవుడ్ హాండ్సమ్ హంక్ రానా దగ్గుబాటి పుట్టినరోజు నేడు. 1984 డిసెంబర్ 14న జన్మించిన రానా 31 సంవత్సరాలు పూర్తి చేసుకుని 32వ వసంతంలోకి అడుగు పెడుతున్నాడు. బాహుబలి సినిమా విడుదలకు ముందు రానా సాధారణ స్టార్. కానీ ఆ సినిమా విడుదల తర్వాత భళ్లాల దేవగా దేశ వ్యాప్తంగా పాపులర్ స్టార్ అయ్యాడు.
ఆశ్చర్యకరమైన విషయం ఏమిటంటే...బాహుబలి సెట్స్ మీద రానాకు ఇది 3వ పుట్టినరోజు. ఈ సందర్భంగా ఆ చిత్ర నిర్మాత శోభుయార్లగడ్డ పుట్టినరోజు శుభాకాంక్షలు తెలిపారు. ‘బాహుబలి సినిమాకు మాతో కలిసి పని చేస్తూ రానా 3వ పుట్టినరోజు జరుపుకుంటున్నారు. రానాకు పుట్టినరోజు శుభాకాంక్షలు' అంటూ విషెస్ తెలియజేసారు. దీనికి రానా రిప్లై ఇస్తూ... ‘థాంక్యూ వెరీ మచ్. కానీ ఈ సెట్లో నాకు ఇదే లాస్ట్ బర్త్ డే కావాలి అని కోరుకుంటున్నాను' పేర్కొన్నారు రానా.
అలా వ్యాఖ్యానించడం ద్వారా ‘బాహుబలి-2' షూటింగ్ వచ్చే ఏడాది తన బర్త్ డేకు ముందే పూర్తి కావాలని ఆకాంక్షించారు. బాహుబలి సినిమా కోసం రానా చాలా కష్టపడుతున్నాడు. హీరో ప్రభాస్ తో సమానంగా భారీ కసరత్తులు చేస్తున్నాడు. ఈ సినిమా తర్వాత రానా కెరీర్ మలుపు తిరుగుతుందని భావిస్తున్నారు.
లీడర్ సినిమాతో కథానాయకుడుగా తెలుగు తెరకు పరిచయమైన రానా...తొలి చిత్రంతోనే తనదైన నటనతో ఆకట్టుకున్నాడు రానా. ఆతర్వాత దమ్ మారో ధమ్, డిపార్టెమెంట్ తదితర హిందీ చిత్రాల్లో నటించి బాలీవుడ్ లో సైతం తనకంటూ ఓ గుర్తింపు ఏర్పరుచుకున్నాడు. ఆతర్వాత తెలుగులో నా ఇష్టం, క్రిష్ణం వందే జగద్గురుమ్ చిత్రాల్లో నటించినా కమర్షియల్ సక్సెస్ మాత్రం ఆశించిన స్ధాయిలో రాలేదు. బిగ్ బ్రేక్ కోసం ఎదరుచూస్తున్న సమయంలో వచ్చిందే బాహుబలి.