Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సైకిల్థాన్ ప్రారంభించిన హీరో రానా
హైదరాబాద్: హుద్రోగ సమస్యలపై అవగాహన కల్పించేందుకు నగరంలో సైకిల్థాన్ నిర్వహించారు. సికింద్రాబాద్లోని కిమ్స్ ఆసుపత్రి నుంచి తిరిగి కిమ్స్ ఆసుపత్రి వరకు సుమారు 10 కిలోమీటర్ల మేర ఈ సైకిల్ థాన్ జరిగింది. ఔత్సాహికులు, ఆసుపత్రి వైద్యులతో పాటు సినీ హీరోదగ్గుబాటి రానా ఈ కార్యక్రమంలో ప్రత్యేక ఆకర్షణగా పాల్గొన్నారు.
కిమ్స్ ఆసుపత్రి నుంచి నెక్లెస్రోడ్ మీదుగా ఐమాక్స్కు చేరి అక్కడి నుంచి తిరిగి సైకిల్థాన్ కిమ్స్కు చేరింది. శరీరంలో అత్యంత ముఖ్యమైన గుండెను రక్షించుకోవడానికి సైకిల్ తొక్కడం ఎంతో అవసరమని కిమ్స్ ఆసుపత్రి ఛైర్మన్ డాక్టర్ బి.భాస్కరరావు అన్నారు. సైకిల్ తొక్కడం ఆరోగ్యానికి ఎంతో మంచిదని... దీన్ని అందరూ పాటించాలని సినీ నటుడు రానా అన్నారు.
రానా త్వరలో ప్రారంభం అయ్యే బాహుబలి 2 షూటింగుకు రెడీ అవుతున్నాడు. బాహుబలి-ది బిగినింగ్' భారీ విజయం సాధించడంతో పార్ట్-2 షూటింగుకు మరింత ఉత్సాహంగా ఏర్పాట్లు చేస్తున్నారు రాజమౌళి అండ్ టీం. బాహుబలి చిత్రం తెలుగు సినిమా రికార్డులన్నీ బద్దలు కొట్టిన సంగతి తెలిసిందే. కనీవినీ ఎరుగని రీతిలో ఈ సినిమా వసూళ్లు సాధించింది.
తాజాగా అందుతున్న సమాచారం ప్రకారం డిసెంబర్ 14న ఫార్మల్ గా పూజా కార్యక్రమాలతో ‘బాహుబలి-2' షూటింగ్ ప్రారంభోత్సవం జరుగుతుందని తెలుస్తోంది. ఈ మేరకు పండితులు ముహూర్తం ఖరారు చేసారు. సెకండ్ పార్ట్ కోసం దాదాపు రూ. 200 కోట్లకు పైగా ఖర్చు చేస్తారని తెలుస్తోంది. మొత్తం 170 నుండి 190 వర్కింగ్ డేస్ లలో షూటింగ్ పార్ట్ పూర్తి చేసేందుకు ప్లాన్ చేసారు.
బాహుబలి సినిమాలో భల్లాలదేవుడుగా మెప్పించిన రానా దగ్గుబాటి తొలి అవార్డు అందుకోబోతున్నాడు. సౌతిండియాలో ఎంతో ప్రతిష్టాత్మకంగా భావించే ఏసియావిజన్ మూవీ అవార్డ్స్-2015 లకు రానా ఎంపికయ్యాడు. తెలుగు విభాగంలో పెర్ఫార్మెర్ ఆఫ్ ది ఇయర్ అవార్డును రానా దక్కించుకున్నారు. డిసెంబర్ 2న దుబాయ్ లో జరిగే వేడుకలో రానా ఈ అవార్డు అందుకోబోతున్నాడు. ఏసియావిజన్ మూవీ అవార్డ్స్ ఇది 10 ఎడిషన్. ఈ నేపథ్యంలో గ్రాండ్ గా అవార్డు కార్యక్రమాలను నిర్వహించేందుకు ప్లాన్ చేస్తున్నారు.