Don't Miss!
- News ఏపీ సచివాలయ ఉద్యోగుల సంఘం అధ్యక్షుడు వెంకట్రామిరెడ్డిపై సస్పెన్షన్ వేటు
- Sports PBKS vs MI: చెలరేగిన సూరీడు... తెలుగోడు!
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
నిజంగానే కబాలి మానియాలా ఊపేస్తోంది.... శాటిలైట్లో కూడా కబాలినే.....
కబాలి అదరగొడుతోంది. ఆ బిజినెస్ చూసి పరిశ్రమ కూడా షాక్ కు గురవుతోంది. దేశమంతటా ఇప్పుడు కబాలి జపం నడుస్తోంది. రజనీకాంత్ హీరోగా పా రంజిత్ దర్శకత్వంలో తెరకెక్కిన ఈ సినిమా కోసం మనదేశంలోని అభిమానులే కాదు.. ఇతర దేశాల్లోని సినీ అభిమానులు కూడా ఆసక్తిగా ఎదురు చూసారు.
ఈ సినిమాకు సౌత్ ఇండియాలో మరే సినిమాకూ అవ్వని స్థాయిలో ఏకంగా రూ.220 కోట్ల దాకా బిజినెస్ అయిన సంగతి తెలిసిందే. ఇందులో శాటిలైట్-ఆడియో రైట్స్ మాత్రమే రూ.40 కోట్లు కావడం విశేషం. జయ టీవీ 'కబాలి' శాటిలైట్ హక్కుల్ని రూ.30 కోట్లకు పైనే పెట్టి సొంతం చేసుకుంది. ఇది సౌత్ ఇండియన్ సినిమాల్లో రికార్డు. ఇటు తెలుగులో సైతం శాటిలైట్ విషయంలో రికార్డు రేటు పలికింది 'కబాలి'. ఈ చిత్ర శాటిలైట్ హక్కుల్ని 8 కోట్ల రూపాయలకు ఓ ప్రముఖ ఛానెల్ సొంతం చేసుకుందట.
తెలుగులో స్టార్ హీరోల డైరెక్ట్ సినిమాలు మాత్రమే ఈ స్థాయిలో రేటు పలుకుతుంటాయి. అందులోనూ ఈ మధ్య తెలుగులో శాటిలైట్ బిజినెస్ డల్లుగా ఉంది. నిర్మాతలే ఛానెళ్ల వెంట పడుతున్నాయి తప్ప.. ఒకప్పట్లా నిర్మాతలు డిమాండింగ్ పొజిషన్లో లేరు. ఇలాంటి తరుణంలో ఓ తమిళ అనువాద చిత్రానికి రూ.8 కోట్ల ఫ్యాన్సీ రేట్ పెట్టి శాటిలైట్ రైట్స్ తీసుకోవడం అంటే మామూలు విషయం కాదు. తెలుగు రాష్ట్రాల్లో కబాలి థియేట్రికల్ హక్కుల్ని రూ.32 కోట్లకు కొనుగోలు చేశారు. మిగతా ప్రాంతాల్లో తెలుగు వెర్షన్ హక్కులు ఇంకో ఐదు కోట్లకైనా పలికి ఉంటాయి. అంటే మొత్తంగా తెలుగు నుంచే 'కబాలి' నిర్మాతకు రూ.45 కోట్ల దాకా ముట్టాయన్నమాట.