చారిటీకోసం సైకిలెక్కిన స్టార్ హీరో : ఒక్క సైకిల్ 40,000 మాత్రమే

ఇది తొలిసారేమి కాదు

ఇక కొన్ని వీధుల్లో తనను గుర్తుపట్టిన స్థానికులు, అభిమానులు, పిల్లలతో ముచ్చటించి వారితో ఫోటోలు దిగాడట. అయితే సల్మాన్ సైకిల్ రైడ్ కి వెళ్లడం ఇది తొలిసారేమి కాదు. గతంలో పలుసార్లు ముంబయి వీధుల్లో ఇలానే సైకిల్ తొక్కుకుంటూ వెళ్లాడు. నిజానికి సల్మాన్ తాను చేయాలనుకున్న పని కోసం ఎలాంటి పని చేయటానికైనా నామోషీ పడడు

ముంబయ్ రహదారుల్లో

అంతకు ముందు కూడా ఒకసారి సైకిలెక్కిన సల్మాన్ ముంబయ్ రహదారుల్లో వెళుతుంటే అదేదో చూడకూడని వింతను చూసినట్లు చూస్తారు. మరి.. శ్రీమంతుడు సైకిల్ తొక్కడమంటే చిన్న విషయమా? తాజాగా ముంబయ్‌లోని బాంద్రా-వొర్లి రహదారిలో సల్మాన్ సైకిల్ రైడ్ చేశారు. ఈయనగార్ని గుర్తు పట్టి జనాలు గుమిగూడే ప్రమాదం ఉంది కాబట్టి, చుట్టూ బైకులు, కారుల్లో బాడీగార్డ్స్ ఫాలో అయ్యారు.

బీయింగ్ హ్యూమన్

బీయింగ్ హ్యూమన్ అంటూ సల్మాన్ ఖాన్ కు ఓ కంపెనీ ఉన్న సంగతి తెలిసిందే. రకరకాల ప్రొడక్టులను దీనిలో విక్రయిస్తూ ఉంటారు. ఇప్పటికే డ్రెసింగ్ సెగ్మెంట్ లో దూసుకుపోతున్న సల్లూ భాయ్.. ఇప్పుడు ట్రాన్స్ పోర్ట్ లోకి కూడా వచ్చేశాడు. కాకపోతే హెల్త్ పేరు చెప్పి సైకిల్స్ అమ్మేయనున్నాడు. ఈ-సైకిల్ లాంఛింగ్ ను కూడా తనే చేసేసిన కండలవీరుడు.. ఈ లాంఛింగ్ కోసం తనే సైకిల్ తొక్కుకుంటూ వచ్చేశాడు. బీయింగ్ హ్యూమన్ ఈ-సైకిల్ ను ఇప్పుడు విరివిగా ప్రచారం చేసేస్తున్నాడు సల్లూ భాయ్.

సోహైల్ ఖాన్ కూడా

ముంబైలో జరిగిన ఈ కార్యక్రమంలో సల్మాన్ ఖాన్ సైకిల్ తొక్కడమే అసలు సిసలైన అట్రాక్షన్. సల్మాన్ సోదరుడు సోహైల్ ఖాన్ కూడా ఈ-సైకిల్ లాంఛింగ్ కి.. సైకిల్ తొక్కుతూనే వచ్చాడు. అంతటి స్టార్ హీరో నడిరోడ్డుపై సైకిల్ తొక్కుతుంటే చూపరులకు భలే ఆశ్చర్యంగా అనిపించింది. ఇప్పుడు #Being cycle అనే హ్యాష్ ట్యాగ్ ఆన్ లైన్ లో బాగా ట్రెండింగ్ అయిపోయింది కూడా.