Don't Miss!
- Lifestyle Marriage Day Wishes in Telugu : పెళ్లిరోజు శుభాకాంక్షల సందేశాలను ఇలా పంపండి..
- News సంచలనం సృష్టించిన సికింద్రాబాద్ రైల్వే
- Finance Just Dial Stock: జస్ట్ డయల్ స్టాక్ రికార్డుల మోత.. ఇంట్రాడేలో 13 శాతం అప్.. అదే కారణం..
- Automobiles టోల్గేట్ల వద్ద ఇకపై ఈ బోర్డులు ఉండవు.. కేంద్ర ప్రభుత్వం కీలక నిర్ణయం
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
- Technology ధర రూ. 20 వేలలో, వైర్లెస్ ఛార్జింగ్ తో వచ్చే మొట్ట మొదటి ఫోన్! సేల్ ఈ రోజే! ఆఫర్ వివరాలు
- Sports IPL 2024: అంబానీ వల్ల మూడు జట్లు సర్వనాశనం!
వివాదంలో సల్మాన్ ఖాన్ ఆన్ లైన్ షాపింగ్ పోర్టల్
ముంబై: ఫ్యాన్స్ ని అలరించటానికి హీరోలు రకరకాల మార్గాలు ఎన్నుకుంటున్నారు. తాజాగా తన పుట్టిన రోజు సందర్భంగా సల్మాన్ ఖాన్ అభిమానులకి ఓ వినూత్నంగా తాను కొత్తగా మొదలెట్టిన ఆన్ లైన్ పోర్టల్ ఎడ్రస్ ఇచ్చాడు. ట్విట్టర్ ద్వారా ‘ఖాన్ మార్కెట్ ఆన్ లైన్ డాట్ కామ్' అనే పేరుతో ఓ ఆన్లైన్ షాపింగ్ పోర్టల్ని ప్రారంభించాడు. ఈ పోర్టల్ ద్వారా అభిమానులు షాపింగ్ చేసుకోవచ్చు అని తెలియచేసాడు.
అయితే ఈ ఆన్లైన్ షాపింగ్కి సంబంధించిన పూర్తి వివరాలు త్వరలో వెల్లడిస్తామని సల్మాన్ పేర్కొన్నారు. తాజాగా ఈ పోర్టల్ వివాదంలో పడింది. ఢిల్లీలో ఇదే పేరుతో 65 ఏళ్ల పాప్యులర్ 'ఖాన్ మార్కెట్' ఉంది. దానికి ట్రేడ్ మార్క్ కూడా ఉంది. ఈ మార్కెట్ కు అంతర్జాతీయంగా ఎంతో పేరుంది.
అయితే ఇప్పుడు సల్మాన్ అదే పేరును తన సొంత బ్రాండ్ కు పెట్టుకోవడం వివాదంగా మారింది. దానిపై ఖాన్ మార్కెట్ ట్రేడర్స్ అసోసియేషన్ అధ్యక్షుడు సంజీవ్ మెహ్రా మాట్లాడుతూ, సల్మాన్ తో ఈ విషయమై మాట్లాడతామని చెప్పారు. లేదంటే కేసు పెడతామని తెలిపారు.
ఇటీవలే సల్మాన్ ఖాన్ హిట్ అండ్ రన్ కేసు నుండి బయట పడ్డాడు. ఇపుడు ఈ ఆన్ లైన్ మార్కెట్ వివాదం కూడా కోర్టుకు వెళ్లే అవకాశం కనిపిస్తోంది. అదే జరిగితే సల్మాన్ ఖాన్ మళ్లీ కోర్టు చిక్కులు తప్పేట్లు లేదు.