Don't Miss!
- News క్యూ నిల్చొని ఓటు వేసిన సూపర్ స్టార్
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
స్టార్ హీరో గారి బాడీగార్డ్ ని పొగరా? రెచ్చిపోయి తుపాకి గురి పెట్టి దాడి...పోలీస్ కేసు,పరారి
ముంబై: స్టార్ హీరో గారికి ఎంత క్రేజ్ ఉంటుందో...ఆయన వ్యక్తిగత బాడీగార్డ్ లకు, టీమ్ కు అంతకు మించి ఉన్నట్లుగా ఫీలవుతూంటారని దర్శక,నిర్మాతలు అప్పుడప్పుడూ వాపోతూంటారు. ఎందుకంటే హీరోకి దగ్గరకి మసిలేది వాళ్లు. దాంతో తమ యజమానితో పాటు తమకూ ఆ స్దాయి ఉందన్నట్లుగా బిహేవ్ చేస్తూ చాలా సార్లు సమస్యల్లో ఇరుక్కుంటూంటారు. ఇప్పుడు సల్మాన్ ఖాన్ బాడీగార్డ్ ది అదే సమస్య వచ్చి పడింది.
బాలీవుడ్ వర్గాల నుంచి అందుతున్న సమాచారం ప్రకారం సల్మాన్ ఖాన్ బాడీగార్డ్ షేరా వీరంగం వేశాడు. ముంబై అంధేరిలో మంగళవారం అర్ధరాత్రి దాటిన తర్వాత జరిగిన గొడవలో ఓ వ్యక్తిని తీవ్రంగా గాయపరిచాడు. దీంతో బాధితుడి ఫిర్యాదు మేరకు పోలీసులు షేరాపై కేసు నమోదు చేశారు.
ఓ పబ్ వద్ద ఓ వ్యక్తిని తుపాకితో బెదిరించి, గాయపరిచాడు. ఈ వివాదంలో అతని భుజం దగ్గర ఎముక సైతం విరిగిపోయిందని తెలుస్తోంది. ముంబై డీఎన్ నగర్ ప్రాంతంలో అర్ధరాత్రి దాటిన తర్వాత 2.00 గంటల ప్రాంతంలో ఈ సంఘటన చోటు చేసుకుంది.
షేరా, ఫిర్యాదిదారు పరస్పరం తిట్టుకున్న తర్వాత జరిగిన గొడవలో షేరా అతనిపై విరుచుకుపడ్డాడు. 'గొడవ ఎందుకు జరిగింది అన్నది కచ్చితంగా తెలియరాలేదు. కానీ ఓ వ్యక్తి వచ్చి షేరాకు ఫోన్ ఇచ్చాడు. ఫోన్లో అతను మాట్లాడుతూ తీవ్రంగా దుర్భాషలు ఆడాడు.
ఫోన్ కట్ చేసిన తర్వాత తన సమీపంలో ఉన్న వ్యక్తితో షేరా గొడవ పడ్డాడు. ఇద్దరూ తిట్టుకుని... షేరా అతన్ని తుపాకీతో హెచ్చరించాడు. అంతేకాకుండా బేస్బ్యాట్తో అతనిపై దాడి చేశాడు. దీంతో అతనికి భుజం చేరువలో ఎముక విగిరి తీవ్రగాయమైంది' అని డీఎన్ నగర్ పోలీసులు తెలిపారు. ఈ ఘటనపై ఐపీసీ సెక్షన్ 326, 506 కింద కేసు నమోదు చేసిన పోలీసులు పరారీలో ఉన్న షేరా కోసం గాలిస్తున్నారు.
షేరా గత 18 సంవత్సరాలుగా సల్మాన్ ఖాన్ వద్ద పనిచేస్తున్నారు. ఆయనకి, సల్మాన్ కు మంచి రిలేషన్ ఉంది. సల్మాన్ ఖాన్ చేసిన బాడీ గార్డ్ సినిమాని షేరా కే డెడికేట్ చేసారు. బాడీగార్డ్ ట్రైలర్ లాంచ్ సమయంలోనూ సల్మాన్ అతన్ని స్టేజి మీదకు తీసుకువచ్చి మాట్లాడించారు.